औरंगाबाद : जिल्ह्यातील पर्यटन विकासाला चालना मिळावी यासाठी युती सरकारच्या काळात भाजपने गंगापूर-खुल्ताबादचे आमदार प्रशांत बंब यांच्या मतदारसंघात चारशे कोटी रुपयांचा निधी दिला होता. कन्नड-सोयगांव या माझ्या मतदारसंघात गौताळा अभयारण्य, माता सिता न्हानी, पितळखोरा लेणी, किल्ले अंतूर , नायगांव किल्ला, कालीमठ प्राचीन कालीका मंदीर अशी विविध पर्यटन स्थळे आहेत. त्यांच्या विकासासाठी साडेतीनशे कोटी रुपयांचा निधी मंजुर करावा अशी मागणी शिवसेनेचे आमदार उदयसिंह राजपूत यांनी पर्यटन मंत्री आदित्य ठाकरे यांची भेट घेऊन केली आहे.
पर्यटन मंत्री आदित्य ठाकरे आज औरंगाबाद दौऱ्यावर आहेत. उदयसिंह राजपूत यांनी त्यांची भेट घेऊन कन्नड तालुक्‍यातील पर्यटनस्थळांची माहिती देत या स्थळांच्या विकासासाठी साडेतीनशे कोटी रुपयांचा निधी मंजुर करावा अशा मागणीचे निवेदन दिले. युती सरकारच्या काळात वेरूळ लेणे, खुल्ताबाद, म्हैस्माळ येथील पर्यटन केंद्राच्या विकासासाठी भाजप आमदार प्रशांत बंब यांना चारशे कोटी रुपयांचा निधी देण्यात आला होता. सार्वजनिक बांधकाम विभागाच्या वतीने या ठिकाणी विकासकामे देखील सुरू झाली आहेत.
कन्नड-सोयगांव हा माझा मतदारसंघ देखील विविध पर्यटनस्थळांनी नटलेला आहे. ऐतिहासिक पर्यटनस्थळ अतंर्गत गौताळा अभयारण्य, माता सीता न्हानी, पितळखोरा लेणी, किल्ले अंतूर, नायगावचा किल्ला व कालीमठ येथील प्राचीन कालिका मंदिर अशी प्रसिध्द पर्यटनस्थळे आहेत. या ऐतिहासिक स्थळांचे जतन, संवर्धन आणि विकासासाठी कृती आराखडा तयार करून निधी उपलब्ध करून द्यावा असे देखील उदयसिंह राजपूत यांनी या निवेदनात नमूद केले आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.