भाजप प्रवेशापासून उदयनराजे थांबले की त्यांना थांबवले गेले?

खासदार उदयनराजे यांचा भाजप प्रवेश पंतप्रधान नरेंद्र मोदी यांच्या उपस्थितीत घेण्याची चर्चा सुरू होती. प्रत्यक्षात काहीच घडले नसून राजेंनी भाजप प्रवेशाचा निर्णय रद्द करण्याच्या मनःस्थितीत तर आले नाहीत ना, अशी उलटी चर्चा सुरू झाली आहे.
भाजप प्रवेशापासून उदयनराजे थांबले की त्यांना थांबवले गेले?

पुणे : साताऱ्याचे खासदार छत्रपती उदयनराजे भोसले यांचा भारतीय जनता पक्षातील प्रवेश वारंवार लांबणीवर पडतोय. आजदेखील पुण्यात होणारी बैठक रद्द करून उदयनराजे मुंबईला रवाना झाले.

त्यामुळे त्यांच्या भाजप प्रवेश लांबण्याची उलटसुलट चर्चा सुरू झाली आहे. काही कार्यकर्त्यांनी भाजपत जाण्यास विरोध केल्याने उदयनराजेंनी थांबण्याची भूमिका घेतल्याचे सांगण्यात येत आहे. दुसरीकडे भाजपने आणखी दोन दिवस थांबण्याची भूमिका घेतल्याचे सांगितले जात आहे.

उदयनराजेंचा भाजप प्रवेश हा गेल्या काही दिवसांपासून राज्यात चर्चेचा विषय आहे. त्यावरून विविध तर्कवितर्क लावण्यात येत आहेत. राजांनी भाजपत जाऊ नये, यासाठी अभिनेते डॉ. अमोल कोल्हे व स्वाभीमानी शेतकरी संघटनेचे अध्यक्ष राजू शेट्टी यांनी त्यांच्या मनधरणी केली. मात्र, त्याला फारसे यश आलेले नाही. या पार्श्‍वभूमीवर उदयनराजेंनी आज पुण्यात काही कार्यकर्त्यांची बैठक बोलावली होती.

मात्र, अचानक ही बैठक रद्द करण्यात आली.उदयनराजांची तब्बेत बरी नसल्याचे सांगण्यात आले तसेच ते मुंबईला रवाना होणार असल्याचे स्पष्ट करण्यात आले. खासदारकीचा राजीनामा देऊन भाजपच्या तिकीटावर पुन्हा पोट निवडणुकीला सामोरे जाण्यात काही कार्यकर्त्यांना "रिस्क' वाटत असल्याने हे कायेकर्ते राजीनामा देऊन भाजपात जाण्यास अनुकूल नाहीत.

त्यामुळे उदयनराजे संभ्रमात असल्याचे सांगण्यात येत आहे. बहुतांश कार्यकर्त्यांना मात्र राजीनामा देऊन पुन्हा निवडून येण्यात कोणतीच अडचण वाटत नाही. त्यामुळे कार्यकर्त्यांचा हा गट राजीनामा नेऊन भाजपत जाण्याचा आग्रह करीत आहेत. उदयनराजे, शिवेंद्रराजे व रामराजे नाईक-निंबाळकर एकाचवेळी राष्ट्रवादी कॉंग्रेसमध्ये होते. या काळात रामराजे व उययनराजे तसेच शिवेंद्रराजे व उदयनराजे यांच्यात मतभेद होते.

या हे सर्वजण भाजपात आल्यानंतर तिथेही मतभेद होणार नाहीत, याची खात्री कोण देणार असा विचार करणारा एक गट भाजपतही आहे. त्यामुळे उदयनराजेंच्या प्रवेशाचे काय होणार याबाबत येत्या दोन दिवसात निर्णय होण्याची शक्‍यता असल्याचे पक्षातील सूत्रांनी सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com