`जिंकलो नाही पण संपलोही नाही`

सातारा : आज हरलो आहे, पण थांबलो नाही, जिंकलो नाही, पण संपलो ही नाही. या पुढेही सदैव आपल्या सेवेशी कायम राहणार असल्याचे माजी खासदार उदयनराजे भोसले यांनी म्हंटले आहे.

उदयनराजे यांनी आपल्या ट्विटर अकाउंटवरून साताऱ्यातील जनतेला आवाहन केले आहे. सातारा लोकसभेच्या पोट निवडणुकीत पराभव पत्करावा लागल्यानंतर सर्वांचे लक्ष उदयनराजे यांच्या प्रतिक्रियेकडे लागले होते. आपल्या चाहत्यांना त्यांनी ट्विट करून संदेश दिला आहे.

ते म्हणतात, लोकसभा पोटनिवडणुकीत मला मतदान करणाऱ्या जिल्ह्यातील लाखों जनतेचे तसेच दिवस रात्र एक करून काम करणाऱ्या कार्यकर्त्यांचे खूप खूप आभार!मी सदैव आपल्या सेवेशी तत्पर राहणार आहे. आज हरलो आहे, पण मी थांबलो नाही. जिंकलो नाही पण संपलो ही नाही....असे त्यांनी म्हटले आहे.