यिन अधिवेशनाला दिमाखात सुरवात; सभापतीपदी आकाश शिंदे

'सकाळ माध्यम समूहा'च्‍या यंग इन्‍स्‍पिरेटर्स नेटवर्क (यिन) च्‍या अधिवेशनाला आज येथे दिमाखात सुरवात झाली. राज्‍यभरातून आलेल्‍या शॅडो कॅबिनेटच्‍या मंत्री, पालकमंत्री यांच्‍यात उत्‍साह बघायला मिळत आहे.
YIN 2
YIN 2

नाशिक : 'सकाळ माध्यम समूहा'च्‍या यंग इन्‍स्‍पिरेटर्स नेटवर्क (यिन) च्‍या अधिवेशनाला आज येथे दिमाखात सुरवात झाली. (YIN convention begin  here with enthusiasm) राज्‍यभरातून आलेल्‍या शॅडो कॅबिनेटच्‍या मंत्री, पालकमंत्री यांच्‍यात उत्‍साह बघायला मिळत आहे. (all over state Shadow cabinet members participated) अधिवेशनाची सुरवात करतांना आकाश शिंदे (Akash Shinde elected as Chairmen) यांची अधिवेशनाच्‍या सभापतीपदी तर वर्षा लोंढे यांची उपसभापतीपदी निवड करण्यात आली आहे.

'यिन'चे तीन दिवसीय अधिवेशन नाशिकच्‍या यशवंतराव चव्‍हाण महाराष्ट्र मुक्‍त विद्यापीठात होत आहे. या अधिवेशनानिमित्त राज्‍यभरातील प्रतिनिधी काल (ता.२९) नाशिकला दाखल झाले. मुक्‍त विद्यापीठाच्‍या यश-इन सभागृहात शुक्रवार (ता.३०) सकाळपासून ऊर्जात्‍मक वातावरण बघायला मिळाले.

अधिवेशनाचे नियम व अन्‍य सूचना दिल्‍यानंतर सभापती व उपसभापतीपदाची निवड करण्यात आली. यावेळी आकाश शिंदे यांची अधिवेशनाच्‍या सभापतीपदी बहुमताने निवड करण्यात आली. तर उपसभापती पदासाठी वर्षा लोंढे यांचीही बहुमताने निवड करण्यात आली.

यानंतर कामकाज पुढे चालवितांना, सर्वप्रथम 'यिन' शॅडो कॅबिनेटचे मुख्यमंत्री अजय खांडबहाले यांनी सभागृहाला संबोधित केले. आगामी तीन दिवस कामकाजाची दिशा विशद करतांना विविध मुद्यांवर त्‍यांनी मनोगतातून सभागृहाचे लक्ष वेधले. कोरोना काळात राज्‍यभरातील ३६ जिल्‍ह्‍यातील स्‍वयंसेवकांना घेऊन राबविलेल्‍या उपक्रमाचा लेखाजोखा यावेळी सादर करण्यात आला.

बाक वाजवत दिला प्रतिसाद
अगदी विधानसभेच्‍या सभागृहाप्रमाणे 'यिन' अधिवेशनात कामकाज सुरु झाले आहे. मान्‍यवरांच्‍या मनोगतावेळी बाक वाजवत शिस्‍तप्रियतेचे दर्शन सहभागी प्रतिनिधींनी घडविले.
...

हेही वाचा...

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com