सातारा : जामखेडचे आमदार रोहित पवार यांनी एका अपघातग्रस्ताला मदत केल्याचा व स्वतः गाडी ढकलून खड्डयातून बाहेर काढल्याचा फोटो सोशल मिडियावर व्हायरल होत आहे.
कर्‍हाड येथून नातेवाईकांचा अंत्यविधी आटोपून पुन्हा बारामतीकडे जात असताना रोहित पवार आपले मित्र छत्रपती शिवाजी शिक्षण मंडळाचे उपाध्यक्ष पृथ्वीराज ( बाबा ) गोडसे गाडीतून काहीकाळ प्रवास करत असताना मांडवे ता. खटाव ते पिंगळी ता. माण ( जि. सातारा ) या दरम्यान दहिवडी येथील शेतकरी आपला शेतीमाल विक्रीसाठी नेत असताना त्यांनी अपघात झालेला पाहिला.
त्यावेळी रोहित पवार यांनी गाडी थांबवली आणि तातडीने अपघात स्थळी धावत गेले. त्यांनी क्षणाचाही विलंब न करता आपल्या सहकाऱ्यांच्या मदतीने रस्त्याच्या खाली गेलेली अपघातग्रस्त गाडी बाहेर काढून जखमींना तातडीने उपचारासाठी पाठवले.
सातारा : शेतकऱ्यांच्या प्रश्‍नाकडे केंद्र आणि राज्य शासनाचे लक्ष वेधण्यासाठी स्वाभिमानी शेतकरी संघटनेचे संस्थापक माजी खासदार राजू शेट्टी यांच्या नेत्तृत्वाखाली दि. २३ ते २५ या कालावधीत सातारा ते कराड असा पायी मोर्चा काढण्यात येणार आहे. या मोर्चाची समाप्ती दि. २५ रोजी कराड येथे होणार असून त्याबाबतचे निवेदन आज संघटनेच्या वतीने राजू शेळके यांनी जिल्हाधिकारी कार्यालयास दिले. यावेळी राज्य कार्यकारिणी सदस्य अर्जुनराव साळुंखे, रमेश पिसाळ, देवानंद पाटील, जनार्दन आवारे, संजय जाधव आदी पदाधिकारी उपस्थित होते.
Edited By - Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.