आता लस कुठे मिळणार ? खासदाराचे आरोग्यमंत्र्यांना पत्र 

लसीकरण केंद्र बंद झाल्याने आता लस कुठे मिळणार, असा प्रश्न नागरिकांनी उपस्थित केला आहे.
Vaccination.jpg
Vaccination.jpg

विरार  : राज्यात लसीकरण मोहिमेला वेग आला आहे. न्यायालयाने तर घरोघरी जाऊन लसीकरण करता येईल का ? याची तपासणी करण्यास सांगितले असताना वसई विरारकरांना मात्र पहिला डोस घेण्यासाठी वणवण करावी लागत आहे. महापालिकेने सुरु केलेली लस व्हॅन आणि लसीकरण केंद्र बंद झाल्याने आता लस कुठे मिळणार, असा प्रश्न नागरिकांनी उपस्थित केला आहे. 

राज्यसभेचे खासदार डॉ. विकास महात्मे Vikas Mahatme यांनी या सगळ्या बाबत केंद्रीय आरोग्य राज्यमंत्री डॉ. भारती पवार Bharti Pawar यांना पत्र पाठवून महापालिकेला लस पुरवण्याबरोबरच लसीकरण केंद्रे वाढविण्यासाठी प्रयत्न करण्याची विनंती केली आहे. 

            
राज्यात मोठ्या प्रमाणत लसीकरण मोहीम सुरु आहे. मात्र, वसई- विरार मध्ये मात्र आतापर्यंत अवघे १३ टक्के लसीकरण झाले आहे. पालिका हद्दीतील नागरिकांना लस व्यवस्थितरित्या मिळावी यासाठी शहरात मोठ्या प्रमाणात लसीकरण केंद्रे ही सुरु करण्यात आली होती. परंतु सध्या लस उपलब्ध होत नसल्याने त्यातील काही लसीकरण केंद्रे बंद केली आहेत.  ग्रामीण भागातील नागरिकांच्या लसीकरणाला त्याचा फटका बसू लागला आहे. याची दखल घेत डॉ. विकास महात्मे यांनी केंद्रीय आरोग्य राज्यमंत्री डॉ. भारती पवार यांना पत्र लिहून यात लक्ष घालण्याची विनंती केली आहे. 

ठाकरे सरकारची बदनामी करणं एसटी कर्मचाऱ्यांला पडलं महागात
गेल्या सहा महिन्यात या ठिकाणी फक्त 13 टक्के इतकेच लसीकरण झाले आहे. त्यातच आता तर पाहिलं डोस हि बंद झाला आहे. येणारी लस फक्त दुसरा डॉस ज्यांचा शिल्लक आहे त्यांच्यासाठीच आहे.  25 लाख लोक संख्या असलेल्या महानगर पालिकेतील युवा वर्ग हि लसीच्या पहिल्या डोसच्या प्रतीक्षेत आहे. वसई विरार महापालिकेच्या बाजूला असलेल्या मीरा भाईंदर आणि ठाणे महापालिकेत वसई विरार पेक्षा जास्त लसीकरण होत आहे. तरी आपण याठिकाणी जास्त लस उपलब्ध करून द्यावी. लसीकरणासाठी असलेली केंद्रे बंद न करता त्यात अजून वाढ करावी जेणे करून ग्रामीण भागातील नागरिकांनाही लस उपलब्ध होऊ शकेल. तरी आपण या  प्रश्नात स्वतः लक्ष घालावे. जनतेला लस उपलब्ध करून द्यावी. अशी विनंती या महात्मे यांनी या पत्रात केली आहे. 
Edited by : Mangesh Mahale

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com