ममता बॅनर्जी अन् सोशॅलिझम बनले आयुष्यभराचे जोडीदार - Socialism Marries P Mamata Banerjee In Tamil Nadu | Politics Marathi News - Sarkarnama

ब्रेकिंग न्यूज

पुण्यातील हॉटेल सायंकाळी 7 पर्यंत सुरू राहणार : अजित पवारांच्या बैठकीत निर्णय

ममता बॅनर्जी अन् सोशॅलिझम बनले आयुष्यभराचे जोडीदार

वृत्तसंस्था
रविवार, 13 जून 2021

तमिळनाडूतील सालेमध्ये हे लग्न साधेपणाने पार पडलं.

चेन्नई : पश्चिम बंगालच्या (West bengal) मुख्यमंत्री ममता बॅनर्जी यांचं आणि डाव्या पक्षांमधील राजकीय भांडण सर्वश्रूत आहे. ममतादीदींनी बंगाल हा डाव्यांचा गड उध्वस्त केला आहे. पण ममता बॅनर्जी असं नाव असलेल्या मुलीने डाव्या पक्षाच्या नेत्याच्या सोशॅलिझम नावाच्या मुलाशी रविवारी केलेल्या लग्नाची जोरदार चर्चा सुरू आहे. (Socialism Marries P Mamata Banerjee In Tamil Nadu)

तमिळनाडूतील सालेमध्ये हे लग्न साधेपणाने पार पडलं. वधूचं नाव पी. ममता बॅनर्जी आणि वराचं नाव ए. एम. सोशॅलिझम असं आहे. एका वृत्तपत्रात या दोघांच्या लग्नाची पत्रिका छापण्यात आल्यानंतर या लग्नाची सोशल मीडियावर चर्चा रंगली होती. ही लग्नपत्रिकाही मोठ्या प्रमाणावर व्हायरल झाली. त्यामुळं आजच्या लग्नाविषयी उत्सुकता होती. सालेम येथील कम्युनिस्ट पक्षाचे जिल्हा सचिव ए. मोहन यांचा ए. एम. सोशॅलिझम हा मुलगा आहे.

हेही वाचा : जगातील सर्वात मोठ्या कुटूंबाच्या प्रमुखाचे निधन; 39 बायका, 94 मुलं अन् 33 नातवंडांचं कुटूंब

ए. मोहन यांच्या दुसऱ्या दोन मुलांची नावं कम्युनिझम आणि लेनिनिझम अशी आहेत. त्यांच कुटूंब अनेक वर्षांपासून कम्युनिझमला मानणारे आहे. सोशॅलिझम यांचा विवाह होणारी मुलगी पी. ममता बॅनर्जीही मोहन यांचीच नातेवाईक आहे. तिच्या कुटूंब काँग्रेसचे समर्थक आहे. पश्चिम बंगालच्या मुख्यमंत्री ममता बॅनर्जी यांच्या नावावरून हे नाव ठेवण्यात आलं. ममता बॅनर्जी याही पूर्वी काँग्रेसमध्येच होत्या. त्यांच्या कामातून प्रेरणा घेत हे नाव ठेवण्यात आल्याचे मोहन यांनी सांगितले. 

पी. ममता बॅनर्जी यांच्या नावाविषयी विचारले असतात त्या म्हणाल्या, मी दहावीमध्ये असताना या नावाविषयीचे महत्व कळाले. माझे मित्र याविषयी नेहमी बोलायचे. ममता बॅनर्जी यांना बातम्यांमध्ये अनेकदा पाहिलं आहे. त्या एक कणखर महिला आहेत. मला हे सांगताना अभिमान वाटतो, असे त्यांनी सांगितले. त्यांनी इंग्रजी साहित्यामध्ये पदवी मिळवली आहे. 

सोशॅलिझम यांनी वाणिज्य शाखेत पदवी घेतली असून ते एक व्यवसाय करतात. आम्ही एकत्र आल्याचा आनंद होत आहे. आनंद आणि दु:खाच्या प्रसंगीही आम्ही एकमेकांची साथ देऊ. काहीही झाले तरी आम्ही आयुष्यभर एकत्र असू, अशी भावना सोशॅलिझम यांनी व्यक्त केली. या लग्नाला तमिळनाडूचे सीपीआयचे प्रमुख आर. मुथारसन, खासदार के. सुब्बरायन यांच्यास डाव्या पक्षांचे नेते उपस्थित होते. 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख