मुंबई : खासदार छत्रपती संभाजीराजे यांनी काही दिवसांपूर्वी नाशिकमध्ये बोलताना मराठा आरक्षणविषयी पंतप्रधान नरेंद्र मोदी यांच्या भूमिकेविषयी नाराजी व्यवक्त केली होती. मोदींना मी चारवेळा पत्रव्यव्हार केला, पण अद्यापही मला भेट मिळाली नाही, असे संभाजीराजे यांनी सांगितले होते. त्यानंतर भाजपचे प्रदेशाध्यक्ष चंद्रकात पाटील यांनी स्पष्टीकरण देण्याचा प्रयत्न केला होता. त्यावरुन काँग्रेस प्रवक्ते सचिन सावंत यांनी मोदींच्या या भूमिकेवर प्रश्न उपस्थित केला आहे.
त्या संदर्भात सावंत यांनी ट्वीट केले आहे. ते म्हणाले की ''चंद्रकांत दादा, प्रियांका चोप्रा व कंगनाला वेळ देणाऱ्या मोदींना छत्रपती संभाजी राजेंना भेटायला वेळ नाही. राजे मराठा आरक्षणाच्या प्रश्नावर भेटू पाहत होते. या अभिनेत्री कोणते प्रश्न घेऊन भेटल्या? कोणास भेटावे हा आक्षेप नाही. संभाजीराजेंना भेट न देणे महाराष्ट्राचा अवमान मात्र आहे. असा टोला सावंत यांनी लगावला आहे.
''महाराष्ट्रातील बॉलिवूड बद्दल मोदींना अधिक माहिती आहे. पण मराठा आरक्षणाबाबत त्यांना माहिती नाही हे चंद्रकांत पाटील यांचे म्हणणे मराठा आरक्षणासाठी ५८ मोर्चे काढून इतिहास रचणा-या आंदोलकांच्या जखमांवर मीठ चोळणारे आहे'', असचे सावंत यांनी म्हटले आहे.
चंद्रकांत पाटील काय म्हणाले होते?
संभाजीराजेंना मोदींनी भेट काक दिली नाही यावर चंद्रकांत पाटील यांनी उत्तर देतांना म्हटेल की ''मराठा आरक्षण हा राज्याच्या सूचीमधील विषय आहे. त्यात केंद्राची काहीच भूमिका नाही. म्हणून भेटून उपयोग होणार नाही''.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.