जालना : टेस्ट किट्स या केंद्र सरकारच्या आयसीएमआर संस्थेने निर्धारित केलेल्या पुरवठादाराकडून राज्याला मिळाल्या आहेत. या टेस्ट किट्स खराब निघाल्या आहेत. या किट्स खराब असल्याचा शोध आमच्या वैद्यकीय शिक्षण विभागानेच लावला आहे. या टेस्ट किट्सचा पुरवठा आम्ही थांबवला आहे. आता आयसीएमआर या टेस्ट किट्सचा पुरवठा करत आहे. पुढची व्यवस्था होईपर्यंत तेच या किट्सचा पुरवठा करतील असं वैद्यकीय शिक्षण मंत्री अमित देशमुख यांनी म्हटलंय.
सध्या या टेस्ट किट्स खरेदी संदर्भात समिती नेमण्यात आली आहे. लवकरच या संदर्भातील अहवाल येईल. हा अहवाल आल्यानंतर दोषींवर कारवाई करण्यात येईल, असं अमित देशमुख यांनी सांगितलय. आरोग्यमंत्री राजेश टोपे यांनी वैद्यकिय शिक्षण विभागाअंतर्गत येणाऱ्या एनआयव्ही संस्थेमार्फत या सदोष किट्स खरेदी करण्यात आल्याचं म्हटलं होतं. हा आरोप अमित देशमुख यांनी फेटाळून लावला आहे. टोपे यांनी खोलवर माहिती न घेता वक्तव्य केल्याचं सांगून त्यांचा गैरसमज दूर करणार असल्याचंही वैद्यकीय शिक्षण मंत्री अमित देशमुख यांनी सांगितले आहे.
हेही वाचा : भाजप नेते गिरीश महाजन यांना बॉम्ब ने उडविण्याची धमकी...
जळगाव : भारतीय जनता पक्षाचे नेते व माजी मंत्री गिरीश महाजन यांना बॉम्बने उडवून देण्याच्या धमकी फोनवरून देण्यात आली आहे. जामनेर येथे काल (ता.१३) रोजी विरोधी पक्ष नेते देवेंद्र फडणवीस यांच्या उपस्थितीत महाजन यांच्या जी एम फाऊंडेशन तर्फे ग्लोबल हॉस्पिटलचे उद्घाटन करण्यात आले. या कार्यक्रमाचावेळी त्यांचे स्विय सहायक दीपक तायडे यांना फोन आला गिरीश महाजन यांना एक करोड रुपये देण्याचे सांग अथवा बॉम्बने उडवून देऊ. त्यानंतर काही वेळाने मोबाईलवर मॅसेज केला. त्यातही हाच मजकूर होता, सायंकाळी पाच वाजता ब्लास्ट करण्याची धमकीही त्याने दिली होती, अशी माहितीही तायडे यांनी 'सरकारनामा'शी बोलताना दिली. तो हिंदीत बोलत होता.या प्रकरणी जामनेर पोलिस स्टेशन येथे गुन्हा दाखल करण्यात आला असल्याची माहितीही तायडे यांनी दिली. भाजपचे आमदार अ‍ॅड. आशिष शेलार यांना काल रात्री दहा वेळा धमकीचे कॉल आल्याची धक्कादायक बाब समोर आली आहे. या प्रकरणी शेलार यांनी वांद्रे पोलिस ठाण्यात तक्रार दिली होती. पोलिसांनी तातडीने पावले उचलत शेलार यांना धमकी देणाऱ्या दोघांना आज मुंब्र्यातून अटक केली आहे. अभिनेता सुशांतसिंह राजपूत मृत्यू प्रकरणात मुंबई पोलिसांच्या कार्यक्षमतेवर भाजपने प्रश्न उपस्थित केले होते. आता भाजपच्या नेत्याला धमकी देणाऱ्यांना पोलिसांनी 24 तासांच्या आत अटक केली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.