प्रशांत किशोर आखणार 'तृणमूल'च्या पुढील निवडणुकीची रणनीती..  - prashant kishor wish to quit mamata banerjee gets his team on board till next bengal polls | Politics Marathi News - Sarkarnama

ब्रेकिंग न्यूज

मुख्यमंत्री उद्धव ठाकरे कोल्हापुरात दाखल..पुरग्रस्त भागाची पाहणी
पुणेकरांना खुशखबर : पुणे मेट्रोची शुक्रवारी सकाळी ७ वाजता ट्रायल रन...पालकमंत्री अजित पवार यांच्या उपस्थितीत कोथरुड डेपो ते आयडीयल कॉलनीदरम्यान ट्रायल

प्रशांत किशोर आखणार 'तृणमूल'च्या पुढील निवडणुकीची रणनीती.. 

वृत्तसंस्था
मंगळवार, 15 जून 2021

 'तृणमूल' पुढील निवडणूक त्यांचा मार्गदर्शनाखाली लढणार आहे.

कोलकाता : पश्चिम बंगालमध्ये भाजपला पराभूत केल्यानंतर आता पुढील निवडणुकीसाठी 'तृणमूल' आखणी करीत आहेत. निवडणूक रणनीतीकार प्रशांत किशोर यांनी काही दिवसापूर्वी  "आपण कुठल्याही पक्षाचे काम करणार नाही," असे जाहीर केलं होतं, पण आता ते तृणमूल कॅाग्रेससोबतच काम करणार आहेत.  prashant kishor wish to quit mamata banerjee gets his team on board till next bengal polls

'तृणमूल' पुढील निवडणूक त्यांचा मार्गदर्शनाखाली लढणार आहे. तृणमूल कॅाग्रेसच्या सूत्रानुसार, विधानसभा निवडणुकीनंतर प्रशांत किशोर आणि तृणमूल काँग्रेसचे नातं अजूनही आहे. प्रशांत किशोर हे तृणमूल काँग्रेससोबतच काम करणार आहेत. त्यांचीही टीम तृणमूलसोबत काम करणार आहेत. 

तृणमूल कॅाग्रेसने २०२६ मध्ये होणाऱ्या विधानसभा निवडणुकीपर्यंत  प्रशांत किशोर यांच्या भारतीय राजकीय कारवाई समितीचा समावेश केला आहे. लोकसभा निवडणुकीत अपेक्षेपेक्षा कमी जागा मिळाल्यानंतर तृणमूल काँग्रेसच्या अध्यक्षा ममता बॅनजी यांनी प्रशांत किशोर यांना निवडणुक सल्लागार म्हणून नियुक्ती केली होती. पश्चिम बंगालमध्ये भाजप शंभरचा आकडा पूर्ण करु शकणार नाही, असा दावा प्रशांत किशोर यांनी केला होता. तो दाव खरा ठरला. ममता बॅनर्जी या तिसऱ्यांदा मुख्यमंत्रीपदावर विराजमान झाल्या. प्रशांत किशोर यांनी  यात महत्वाची भूमिका बजावली होती. 

काही दिवसापूर्वी प्रशांत किशोर यांनी राष्ट्रवादीचे अध्यक्ष शरद पवार यांची भेट घेतली होती. यावर "राष्ट्रवादी काँग्रेसची कोणतीही जबाबदारी राजकीय रणनीतीकार प्रशांत किशोर यांच्याकडे देण्यात आलेली नाही," अशी माहिती राष्ट्रवादी काँग्रेसचे राष्ट्रीय प्रवक्ते आणि अल्पसंख्याक मंत्री नवाब मलिक यांनी दिली प्रशांत किशोर हे राजकीय रणनीतीकार आहेत. त्यांचा वेगळा अनुभव आहे. तो अनुभव आणि देशात राजकीय परिस्थिती काय आहे, याची माहिती प्रशांत किशोर यांनी शरद पवार यांना दिली.देशातील सर्व विरोधी पक्षांची एकजूट करण्याची इच्छा पवारांची आहे. ती त्यांनी बोलून दाखवली आहे. पश्चिम बंगालच्या निवडणुकीपूर्वी शरद पवार बंगालमध्ये जाणार होते मात्र तब्येतीमुळे त्यांना जाता आले नाही. परंतु देशातील सर्व विरोधी पक्षांची एकजूट करणार आहेत. भाजपच्या विरोधात एक सशक्त मोर्चा काढण्यासाठी राष्ट्रवादी काँग्रेस प्रयत्नशील असून येणाऱ्या काळात हा प्रयत्न केला जाईल, अशी स्पष्ट भूमिका नवाब मलिक यांनी मांडली.

माजी मुख्यमंत्र्यांचे मोठे विधान.."मुस्लिम समाज कोरोना लसीकरणापासून दूर पळत आहेत..."
 
ऋषिकेश : उत्तराखंडचे माजी मुख्यमंत्री त्रिवेंद्र सिंह रावत यांनी मुस्लिम समाजाबाबत वादग्रस्त विधान केल्याने ते वादात सापडले आहेत. एका कार्यक्रमात ते म्हणाले की, "देशात मुस्लिम समाज कोरोना लसीकरणापासून दूर पळत आहेत. मुस्लिम समाजात लसीकरणाबाबत अनेक गैरसमज आहेत. ते दूर करणे गरजचे आहे. याबाबत जनजागृती करणं गरजेचं आहे," असे त्रिवेंद्र सिंह रावत म्हणाले. ऋषिकेश येथे रक्तदान दिनानिमित्त आयोजित कार्यक्रमात रावत बोलत होते. ते म्हणाले की कोरोना महामारीपासून वाचण्यासाठी लशीकरण महत्वाचे आहे. त्यामुळे रोगप्रतिकारशक्ती मजबूत होऊ शकेल. सामाजिक संघटना आणि प्रसारमाध्यमांनी मुस्लिम समाजात याबाबत जनजागृती करणं गरजेचे आहे. 
 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख