आवताडेंनी विजयाचे गणित सोडविले...वीस हजारांच्या मताधिक्याने गुलाल उधळणार.. - Pandharpur Election I will win by more than 20,000 votes Samadhan Avtade | Politics Marathi News - Sarkarnama

ब्रेकिंग न्यूज

इंदापूरला उजनीतून पाणी देण्याचा निर्णय रद्द : जयंत पाटील यांची घोषणा
मंत्रीमंडळाच्या उपसमितीच्या बैठकीसाठी महाविकास आघाडीतील प्रमुख नेते सह्याद्रीवर दाखल. एकनाथ शिंदे, बाळासाहेब थोरात, अशोक चव्हाण आणि मुख्य सचिव सिताराम कुंटे हेही उपस्थित आहेत.
मराठा आरक्षणासाठीची भाजपची महत्वाची बैठक आज विरोधी पक्ष नेते देवेंद्र फडणवीस यांच्या निवासस्थानी होत आहे. यासाठी रविंद्र चव्हाण, चंद्रकांत पाटील, गिरीश बापट, प्रवीण दरेकर उपस्थित आहेत.

आवताडेंनी विजयाचे गणित सोडविले...वीस हजारांच्या मताधिक्याने गुलाल उधळणार..

भारत नागणे
मंगळवार, 20 एप्रिल 2021

विजयसिंह मोहिते पाटील, रणजितसिंह मोहिते पाटील यांनी प्रभावीपणे प्रचारयंत्रणा राबवली. त्यांचीही मोठी मदत झाली, असे आवताडे म्हणाले.

पंढरपूर : पंढरपूर- मंगळवेढा विधानसभा मतदार संघातील प्रलंबित असलेल्या  प्रश्नांची सोडवणूक करण्यासाठी, बेरोजगार तरुणांच्या हाताला काम मिळावे, त्याच बरोबर शेतीच्या पाण्याचा प्रश्न कायम स्वरुपी निकाली निघावा, यासाठीच मतदार संघातील मतदारांनी माझ्यावर व भारतीय जनता पार्टीवर विश्वास दाखवून मतदान केले आहे. पोटनिवडणूकीत किमान 20 हजाराहून अधिक मताधिक्यांनी माझा विजय निश्चित आहे, असा आत्मविश्वास भारतीय जनता पार्टीचे उमेदवार समाधान आवताडे यांनी  'सरकारनामा'शी बोलताना व्यक्त केला.

पंढरपूरचे राष्ट्रवादीचे आमदार भारत भालके यांच्या निधनानंतर रिक्त झालेल्या जागेवरती शनिवारी (ता. 17) पोटनिवडणुक झाली.  या निवडणुकीत चुरशीने 66.15 टक्के मतदान झाले. मतदान झाल्यानंतर भारतीय जनता पार्टीचे उमेदवार समाधान आवताडे यांच्याशी संवाद साधला असता त्यांनी गुलाल आपलाचं असल्याचा ठामपणे दावा ही केला.

आवताडे म्हणाले की, पंढरपूर-मंगळवेढा विधानसभेची पोटनिवडणुक ही विकासाच्या मुद्द्यावर लढवली गेली. मागील अनेक निवडणुकांमध्ये मंगळवेढा तालुक्यातील दुष्काळी गावांना शेतीचे पाणी देण्याचे आश्वासन दिले होते. त्यामुळेच भारत भालकेंना येथील जनतेने तीन वेळा निवडून दिले, परंतु या भागातील शेतकऱ्यांना शेतीचे पाणी मिळाले नाही. पुन्हा पोटनिवडणुकीच्या निमित्ताने राष्ट्रवादीच्या नेत्यांनी या भागाला पाणी देवू असे सांगितले. याचवेळी  विरोधी पक्ष नेते देवेंद्र फडवीस यांनाही या भागात येवून केंद्र सरकारच्या  निधीतून पुढील तीन वर्षात ही अपूर्ण योजना पूर्ण करु असे वचन दिले.  

विरोधी पक्षनेते देवेंद्र फडणवीस यांच्यावर येथील मतदारांनी विश्वास ठेवून भाजपला मतदान केले आहे. उपमुख्यमंत्री अजित पवार समर्थक आमदार संजय शिंदे यांच्या विषयी विचारले असता, ते म्हणाले की, आमदार संजय शिंदे यांनी औपचारिकता म्हणून त्यांनी भूमिका पार पडली. त्यांच्यामुळे असा कोणताही फरक पडला नाही. मंगळवेढा तालुक्यातील मतदारांनी विरोधकांच्या कोणत्याही भूलथापांना बळी न पडता, भाजपला मतदान केले आहे. त्यामुळे मंगळवेढा तालुक्यातून मोठे मताधिक्य मिळेल असा माझा ठाम विश्वास आहे.

पंढरपूरमध्ये भाजप आमदार प्रशांत परिचारक, उमेश परिचारक व त्यांच्या कार्यकर्त्यांनी माझ्यासाठी खूप कष्ट आणि मेहनत घेतली. त्यामुळे पंढरपूर शहर व  ग्रामीण भागातून चांगले मतदान झाले आहे. माजी उपमुख्यमंत्री विजयसिंह मोहिते पाटील, आमदार रणजितसिंह मोहिते पाटील यांनी देखील प्रभावीपणे प्रचारयंत्रणा राबवली. त्यांचीही मोठी मदत झाली, असे आवताडे म्हणाले.

सिध्देश्वर आवताडे यांच्यामुळे फटका किती बसेल या विषयी ते म्हणाले ''निकालानंतर आपणाल कळेलच, त्यांची उमेदवारी मी फारसी मनावर घेतली नाही. मंगळवेढा शहर व तालुक्यातील सुज्ञ मतदारांनी भाजपला मतदान केले आहे. 2 मेच्या निकालात माझा विजय निश्चित आहे.''
Edited by: Mangesh Mahale
 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख