चर्चा तर होणारच! ममता बॅनर्जी अन् सोशॅलिझम विवाह बंधनात अडकणार - P Mamta Banerjee and Socialism wedding card goes viral in Tamilnadu | Politics Marathi News - Sarkarnama

ब्रेकिंग न्यूज

खासदार संभाजीराजे छत्रपती यांनी मराठा समाजासाठी केलेल्या मागण्या मान्य करण्याची राज्य सरकारची तयारी
मुख्यमंत्री उद्धव ठाकरे व खासदार संभाजीराजे छत्रपती यांची उद्या (17 जून) पाच वाजता वर्षा निवासस्थानी महत्वपूर्ण बैठक
कोल्हापूर : खासदार संभाजीराजे यांच्या नेतृत्वाखाली मराठा आरक्षणासाठी मूक आंदोलनास सुरवात

चर्चा तर होणारच! ममता बॅनर्जी अन् सोशॅलिझम विवाह बंधनात अडकणार

वृत्तसंस्था
शुक्रवार, 11 जून 2021

सध्या देशभरात या लग्नाची जोरदार चर्चा सुरू आहे. 

नवी दिल्ली : पश्चिम बंगालमध्ये (West bengal) भाजपचा धुव्वा उडवत ममता बॅनर्जी यांनी सलग तिसऱ्यांदा मुख्यमंत्रीपद मिळवलं. पंतप्रधान नरेंद्र मोदी (Narendra Modi) यांच्यासह भाजपने मोठी ताकद पणाला लावूनही ममतांना नमवता आलं नाही. त्यामुळं ममता बॅनर्जी हे नाव देशाच्या राजकारणात केंद्रस्थानी आलं. आता पुन्हा एकदा ममता बॅनर्जी नाव चर्चेत आलं आहे. पण यावेळी त्याचे कारण राजकारण नव्हे तर एक लग्न आहे. (P Mamta Banerjee and Socialism wedding card goes viral in Tamilnadu)

तमिळनाडूतील एक लग्न सध्या देशभर चर्चेचा विषय ठरलं आहे. वधूचं नाव पी. ममता बॅनर्जी आणि वराचं नाव ए. एम. सोशॅलिझम असं आहे. येत्या रविवारी सालेम जिल्ह्यात हा विवाह सोहळा पार पडणार आहे. एका वृत्तपत्रात या दोघांच्या लग्नाची पत्रिका छापून आली असून ती वाचल्यानंतर अनेकांना धक्का बसला. पण हे खरं आहे. सालेम येथील कम्युनिस्ट पक्षाचे जिल्हा सचिव ए. मोहन यांचा ए. एम. सोशलिझम हा मुलगा आहे. लग्नपत्रिका तमिळनाडूत व्हायरल झाली आहे.

हेही वाचा : चंद्रकांतदादांच नाव घेताच अजितदादा भडकले...त्या व्यक्तीबद्दल बोलयचंच नाही!

ए. मोहन यांच्या दुसऱ्या दोन मुलांची नावं कम्युनिझम आणि लेनिनिझम अशी आहेत. त्यांच कुटूंब अनेक वर्षांपासून कम्युनिझमला मानणारे आहे. त्यांच्या कट्टूर या गावात बहुसंख्य लोक साम्यवादी विचारसरणीचे आहे. त्यामुळं मॅास्को, रशिया, रोमानिया यांसह लेनिन, मार्क्सवाद अशी नावं आहेत. या गावातील लोक देश, विचारसरणी व नेत्यांच्या नावावरून आपली नावं ठेवत असल्याने मोहन यांनीही तशीच नावं ठेवली आहेत. 

सोशॅलिझम यांचा विवाह होणारी मुलगी पी. ममता बॅनर्जीही मोहन यांचीच नातेवाईक आहे. तिच्या कुटूंब काँग्रेसचे समर्थक आहे. पश्चिम बंगालच्या मुख्यमंत्री ममता बॅनर्जी यांच्या नावावरून हे नाव ठेवण्यात आलं. ममता बॅनर्जी याही पूर्वी काँग्रेसमध्येच होत्या. त्यांच्या कामातून प्रेरणा घेत हे नाव ठेवण्यात आल्याचे मोहन यांनी सांगितले. आपल्या भावी पिढ्यांमध्येही अशीच नावे ठेवणार असल्याचेही ते सांगण्यास विसरले नाहीत. 

Edited By Rajanand More

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख