मोदी सरकार लोकांचे खिसे कापत आहे...नवाब मलिकांचा घणाघात...लूट थांबवा... - NCP Minister Nawab Malik attacks Prime Minister Narendra Modi | Politics Marathi News - Sarkarnama

ब्रेकिंग न्यूज

खासदार संभाजीराजे छत्रपती यांनी मराठा समाजासाठी केलेल्या मागण्या मान्य करण्याची राज्य सरकारची तयारी
मुख्यमंत्री उद्धव ठाकरे व खासदार संभाजीराजे छत्रपती यांची उद्या (17 जून) पाच वाजता वर्षा निवासस्थानी महत्वपूर्ण बैठक
कोल्हापूर : खासदार संभाजीराजे यांच्या नेतृत्वाखाली मराठा आरक्षणासाठी मूक आंदोलनास सुरवात

मोदी सरकार लोकांचे खिसे कापत आहे...नवाब मलिकांचा घणाघात...लूट थांबवा...

सरकारनामा ब्युरो
सोमवार, 10 मे 2021

भारतातच पेट्रोल डिझेलचे  दर का वाढवले जात आहेत हे मोदींनी जनतेला सांगितले पाहिजे,

मुंबई : "पेट्रोल डिझेलचे दर वाढवून मोदी सरकार लोकांचे खिसे कापत आहे. हे पाकिटमार सरकार बनलेय," असा थेट आरोप राष्ट्रवादी काँग्रेसचे राष्ट्रीय प्रवक्ते आणि अल्पसंख्याक मंत्री नवाब मलिक यांनी केला आहे. 

दिवसेंदिवस पेट्रोल डिझेलचे दर वाढतच आहेत. काही जिल्हयात पेट्रोलचा दर शंभरावर पोचला आहे. जगात पेट्रोल आणि डिझेलचे दर स्थिर असताना भारतातच दर का वाढवले जात आहेत हे मोदींनी जनतेला सांगितले पाहिजे, अशी मागणीही नवाब मलिक यांनी केली आहे. 

हेमंत सरमा मुख्यमंत्री झाले पण सोनावाल यांना भाजप वाऱ्यावर सोडणार नाही...

आता कोरोनाचे संकट असताना पेट्रोल आणि डिझेलचे दर वाढवणे याचे पडसाद महागाई वाढण्यावर होत आहेत त्यामुळे लोकांची लूट थांबवावी आणि जगात पेट्रोल आणि डिझेलचे दर आहेत तेच भारतात असावेत, असे सांगतानाच तेलाची लूट थांबवावी, अशी मागणीही नवाब मलिक यांनी केली आहे.

हेही वाचा : लोकसहभागातून उभारलेल्या 'सपकळवाडी मॅाडेल'चं ५९ ग्रामपंचायतींकडून अनुकरण...  
इंदापूर (पुणे) : संपूर्ण देशात सध्या कोरोनाने अक्षरशः धुमाकूळ घातला आहे. रुग्णांसाठी खाटा उपलब्ध नसण्यापासून अनेक अडचणी येत आहेत. अशा परिस्थितीत योग्य नियोजन आणि नियमित पाठपुरावा केला तर कोणत्याही अडचणींवर सहज मात करता येते याचे उदाहरणच पुणे जिल्ह्यातील सपकळवाडी गावाने घालून दिले आहे. बारामती लोकसभा मतदार संघातील इंदापूर तालुक्यात असलेलं सपकळवाडी हे अवघ्या दीड हजार लोकसंख्येचं गाव. कोरोनावर मात करण्यासाठी या गावाने सुरू केलेला उपक्रम अत्यंत आदर्शवत ठरत आहे. सध्या आजूबाजूच्या गावांनी सुद्धा त्यांचे अनुकरण सुरू केले आहे. आतापर्यंत ५९ ग्रामपंचायतींनी संपर्क करत येथील मॉडेल स्वीकारले आहे.  खासदार सुप्रिया सुळे यांच्या मार्गदर्शनाखाली सुरू करण्यात आलेल्या या उपक्रमाचे उद्धघाटन राज्यमंत्री दत्ता भरणे यांच्या हस्ते करण्यात आले होते. 
Edited by : Mangesh Mahale

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख