सत्ताधाऱ्यांच्या विरोधात बोलाल तर घर ही तोडू...  

पुणे : अभिनेत्री कंगनाच्या ऑफिसवरच्या कारवाईवरुन भाजप आमदार आशिष शेलार यांनी महाविकास आघाडी सरकारवर टीका केली आहे. शेलार यांनी म्हटलं की, 'बात “हरामखोरीची”निघाली तर मग "डांबराने" लिहीले जाईल असे मुंबईकरांना बरेच आठवेल ! कंगनाच्या ऑफिसवरची कारवाई ही सूडबुद्धीने केलेली कारवाई आहे. आमच्या सोबत राहिलात तर कारवाई नाही आणि सोबत नसाल तर कारवाई असा हा कारभार आहे.'

आशिष शेलार यांनी महाविकास आघाडी सरकारवर टीका करताना १०६  हुतात्म्यांना गोळ्या घालणाऱ्या काँग्रेस सोबतच सत्तेत बसलात ना ?  मुंबाई मातेचा अपमान कोण करतेय?  बेईमानी नेमकी कोण करतेय? हुतात्म्यांचे तळतळाट तुम्हाला तर लागणार नाही ना? ऐवढे तपासून पहा! मुंबई साखळी बाँम्ब स्फोट घडवून निष्पाप मुंबईकरांना मारणाऱ्या टायगर मेमनच्या माहिमच्या घरात, आँफिसमध्ये महापालिका बुलडोझर घेऊन घुसवलीत होती का ? पण रस्त्यावरच्या खड्यांवर बोलणाऱ्या रेडिओ जॉकी मलिष्काच्या घरात आणि कंगना रानावतच्या घरात नगरपालिका अधिकारी घुसवलेत ना ?

भारत तेरे तुकडे हो हजार, असे म्हणणाऱ्या उमर खालिद गँगला मुंबईत येण्यास कधी रोखले नाहीत ना ? त्यांच्या कार्यक्रमात सोबत बसायला निघाला होतात ना ? गेट वे ऑफ इंडियाला आझाद काश्मीरचा फलक झळकवणाऱ्या देशाविरोधी मेहक प्रभूच्या घरात पालिका कधी घुसवली नाहीत ना? कर्तबगार मुंबई पोलिसांवर, मुंबईकरांवर गोळ्या झाडणाऱ्या कसाबला "बिर्याणी" घालणाऱ्यांसोबत तुम्ही सत्तेची "बिर्याणी" खाताय ना ?  याकूबच्या फाशीला विरोध करणाऱ्यालाच मुंबईचा पालकमंत्री केलेत ना ? बेईमानी, तळतळाट हे तुम्हालाच तर लागत नाहीत ना?

 “बात निकलेगी तो फिर दूर तलक जायेगी” असे सोशल माध्यमावर शेलार व्यक्त झाले आहेत. त्याचबरोबर चित्रा वाघ यांनीही महाविकास आघाडी सरकारवर टीका करताना छत्रपती शिवाजी महाराजांच्या पवित्र महाराष्ट्रात मुघलाई अवतरल्याचे चित्र पाहायला मिळतयं. सत्ताधाऱ्यांच्या विरोधात बोलाल तर बंगल्यावर नेऊन मारू, सत्ताधाऱ्यांच्या विरोधात बोलाल तर खोट्या केसेस करू आणि सत्ताधाऱ्या सोबत नसाल तर घर ही तोडू असे ट्विटरवर मत व्यक्त केले.