भाजपच्या फटकार मोर्चाचे फटकेबाजीत रुपांतर - Fighting between ShivSena and BJP workers in Mumbai | Politics Marathi News - Sarkarnama

ब्रेकिंग न्यूज

मुख्यमंत्री उद्धव ठाकरे कोल्हापुरात दाखल..पुरग्रस्त भागाची पाहणी
पुणेकरांना खुशखबर : पुणे मेट्रोची शुक्रवारी सकाळी ७ वाजता ट्रायल रन...पालकमंत्री अजित पवार यांच्या उपस्थितीत कोथरुड डेपो ते आयडीयल कॉलनीदरम्यान ट्रायल

भाजपच्या फटकार मोर्चाचे फटकेबाजीत रुपांतर

सरकारनामा ब्यूरो
बुधवार, 16 जून 2021

ही परिस्थिती नियंत्रणात आणण्यासाठी पोलिसांना बळाचा वापर करावा लागला.

मुंबई : मुंबईत शिवसेना आणि भारतीय जनता पक्षाचे कार्यकर्ते आमने-सामने आले. शिवसेना (ShivSena) भवनसमोर दोन्ही पक्षांच्या कार्यकर्त्यांमध्ये जोरदार हाणामारी झाली. राम मंदिरावरुन शिवसेनेकडून करण्यात आलेल्या टीकेमुळे वाद झाल्याची माहिती मिळत आहे. या टीकेविरोधात शिवसेनाला फटकारण्यासाठी भाजपच्या (BJP) कार्यकर्त्यांनी मोर्चा काढला होता. मात्र, या मोर्चाचे रुपांतर फटकेबाजीत झाले. हाणामारीमुळे परिसरातील वाहतूक मोठ्या प्रमाणात विस्कळीत झाली होती. (Fighting between ShivSena and BJP workers in Mumbai)

हे ही वाचा : पुण्यात पॅाझिटिव्ह रुग्णांची संख्या दोन हजार तासशेवर

अयोध्येतील राम मंदिर उभारणीसाठी श्रीराम जन्मभूमी तीर्थ क्षेत्र न्यासने (ट्रस्ट) केलेल्या जमीन खरेदीत भ्रष्टाचार झाल्याचा आरोप करण्यात आला आहे. यावरुन शिवसेनेकडून टीका करण्यात आली होती. शिवसेनेने घेतलेल्या भूमिकेविरोधात भाजप जनता युवा मोर्चाच्या कार्यकर्त्यांनी शिवसेना भवनच्या बाहेर आंदोलन केले. शिवसेना भवनच्या बाहेर भाजपचे आंदोलन सुरु असल्याची माहिती मिळताच शिवसेना कार्यकर्ते तिथे दाखल झाले. त्यामुळे दोन्ही कार्यकर्त्यांकडून घोषणाबाजी करण्यात आली. त्या घोषणाबाजीचे रुपांतर नंतर तुफान हाणामारीत झाले.

ही परिस्थिती नियंत्रणात आणण्यासाठी पोलिसांना बळाचा वापर करावा लागला. पोलिसांनी भाजप जनता युवा मोर्चाच्या जवळपास ४० कार्यकर्त्यांना ताब्यात घेतले आहे. शिवसेनेच्याही अनेक कार्यकर्त्यांना ताब्यात घेतले असून त्यांना पोलीस स्टेशनमध्ये नेण्यात आले. 

भाजपचे कार्यकर्ते आंदोलन करणार असल्याची माहिती मिळाल्यानंतर शिवसेनेचे कार्यकर्ते जमले होते. पण जेव्हा भाजपचे काही कार्यकर्ते विटा, दगड घेऊन शिवसेना भवनवर हल्ला करण्यासाठी येत आहेत, अशी माहिती मिळाली होती. त्यामुळे शिवसैनिक संतप्त होऊन रस्त्यावर उतरले. शिवसैनिकांनी त्यांना थाबवले असता बाचाबाची झाली. भाजप कार्यकर्त्यांनी शिवसेना भवनावर हल्ला करण्याची योजना होती, असा आरोप स्थानिक आमदार सदा सरवणकर यांनी प्रसारमाध्यमांशी बोलतांना केला आहे. 

हे ही वाचा :  कोरोना लशीमुळे देशात आतापर्यंत एकाचा मृत्यू; केंद्र सरकारची कबुली

भाजप युवा मोर्चाचे पदाधिकारी आंदोनल पोलिसांना सूचना देऊन करत होते. तरीही त्यांच्यावर हल्ला करण्यात आला. पोलिसांच्या आड राहून एका महिलेला मारहाण करणे म्हणजे शिवसेनेने आपली औरंगजेब वृत्ती दाखवली आहे, असे भाजप नेते आशिष शेलार यांनी म्हणाले आहे. लातो के भूत बातोसे नाही मानते यापुढे शिवसेनेला त्यांच्याच भाषेत उत्तर दिले जाईल असा इशाराही शेलार यांनी दिला आहे.  

Edited By - Amol Jaybhaye  

 

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख