मुंबई : राज्याच्या विरोधीपक्षनेतेपदी असताना मुंबई येथील सीएसटी रेल्वे स्थानकावर ज्या पेटीवर (हमालांचे बसण्याचे एक ठराविक ठिकाण) ९० च्या दशकात स्व. गोपीनाथ मुंडे बसत असत, त्याच पेटीवर राष्ट्रवादीचे नेते धनंजय मुंडे यांना स्थानकावरील हमाल मंडळीनी बसण्याचा आग्रह केला. धनंजय मुंडे त्याच पेटीवर बसून येथील हमाल मंडळींशी मनमोकळ्या गप्पा केल्या.
धनंजय मुंडे यांनी सीएसटी स्थानकावरील हमाल मंडळींना व अन्य कर्मचाऱ्यांना दिवाळीच्या शुभेच्छा देत, सर्वांना आपल्या शासकीय निवासस्थानी जेवणाचे निमंत्रण दिले; यावेळी हमाल मंडळींनी कृतज्ञता व्यक्त केली. धनंजय मुंडे हे लातूर-बीड जिल्हा दौऱ्यासाठी सीएसटी रेल्वे स्थानाकावरुन मुंबई - लातूर एक्सप्रेस रेल्वेने प्रवासासाठी निघाले होते. रेल्वेच्या निघायच्या काही मिनीटे आधी ते सीएसटी स्थानकावर आले असता, येथील हमाल मंडळींनी त्यांच्याशी संवाद साधला.
गोपीनाथराव मुंडे विरोधीपक्षनेतेपदी असताना वेटिंग रूम मधील ज्या पेटी वर बसायचे त्याच पेटीवर धनंजय यांनी पुन्हा बसण्याचा आग्रह केला. धनंजय मुंडे यांनी क्षणाचाही विलंब न करता त्या पेटीवर बसून सर्व हमाल मंडळींशी संवाद साधला. यावेळी राज्याचे वजनदार मंत्री आपल्या सोबत बसून गप्पा मारल्या. अनेकांना त्यांच्यासोबत फोटो काढले. यावेळी धनंजय मुंडे यांनीही सर्वच हमाल मंडळी व अन्य कर्मचाऱ्यांना आपल्या शासकीय निवासस्थानी जेवायला येण्याचे निमंत्रण दिले.
हेही वाचा : अजित पवारांनी घेतले बांधकाम अधिकाऱ्यांना फैलावर
भिगवण (जि. पुणे) : वर्षभरापूर्वी सूचना करूनही भिगवण-बारामती रस्त्यावरील धोकादायक वळणे काढण्याची कार्यवाही न करणाऱ्या बांधकाम विभागाच्या अधिकाऱ्यांना राज्याचे उपमुख्यमंत्री अजित पवार यांनी चांगलेच फैलावर घेतले. त्यानंतर वेगाने चक्रे फिरली आणि अवघ्या काही दिवसांत कामाला सुरुवात झाली. भिगवण-बारामती रस्त्यावरील मदनवाडी (ता. इंदापूर) घाटात अपघात होऊन गतवर्षी ऑक्‍टोबर महिन्यात इंदापूर पंचायत समितीचे माजी सभापती रमेश जाधव यांचे निधन झाले होते. जाधव कुटुंबीयांचे सांत्वन करण्यासाठी अजित पवार आले होते. त्या वेळी त्यांनी सार्वजनिक बांधकाम विभागाच्या अधिकाऱ्यांना मदनवाडी घाटातील धोकादायक वळणे काढण्याच्या सूचना केली होती. मात्र, वर्षभरात त्यावर कोणतीही कार्यवाही झाली नव्हती. राज्यात महाविकास आघाडीचे सरकार आले आणि अजित पवार उपमुख्यमंत्री बनले. काही काही दिवसांपूर्वी अजित पवार हे याच रस्त्यावरुन जात असताना मदनवाडी घाटातील वळणे जैसे थे असल्याचे त्यांच्या लक्षात आले. अजित पवार यांनी आपल्या वाहनांचा ताफा रस्त्यावरील मदनवाडीत घाटातच थांबविला. गाडीच्या बाहेर येत पाहणी करून त्यांनी तेथूनच सार्वजनिक बांधकाम विभागाच्या अधिकाऱ्यांना फोन लावला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.