सातारा : लाॅकडाऊन शिथिल करताना दारूची दुकाने, मॉल सुरू करण्यास केंद्र सरकार परवानगी दिली असून सर्व राज्यांनी धार्मिक स्थळे खुली केली आहेत. पण महाराष्ट्रात दारूची दुकाने व मॉल उघण्यास परवानगी दिली जाते. मग मंदिरे उघडण्यास हरकत काय, असा प्रश्न विरोधी पक्षनेते देवेंद्र फडणवीस यांनी आज साताऱ्यात उपस्थित केला.
विरोधी पक्षनेते देवेंद्र फडणवीस व भाजपचे प्रदेश अध्यक्ष चंद्रकांत पाटील यांनी आज साताऱ्यातील जिल्हा रुग्णालयाला भेट देऊन तेथील कोविड वॉर्डची पाहणी करून नर्सेस व डॉक्टर यांच्याशी चर्चा करून समस्या जाणून घेतल्या. त्यानंतर त्यांनी जिल्हाधिकारी शेखर सिंह यांच्याशी जिल्हाधिकारी कार्यालयात कोविड 19 ची नेमकी माहिती घेतली. त्यावर त्यांनी पत्रकारांशी संवाद साधला.
साताऱ्याचे राज्यसभेतील खासदार छत्रपती उदयनराजे कुठे आहेत, असे विचारल्यावर श्री फडणवीस यांनी त्यांचा माझा फोन झाला आहे. त्यांना थोडी कणकणी असल्याने ते आलेले नाहीत, असे त्यानी सांगितले. साताऱ्यातील कोरोनाची परिस्थिती खूपच गंभीर आहे.येथील संख्या वाढली असून बेड कमी पडत आहेत. त्यामुळे शासनाने जिल्हा प्रशासनाने पाठविलेला स्टेडियम मधील हॉस्पिटलचा प्रस्ताव तातडीने मंजूर करावा. मी त्यासाठी मुख्यमंत्र्यांना भेटणार आहे. तसेच कोरोना चाचणी आणखी वाढविणे आवश्यक आहे. 400 बेडचा प्रस्ताव प्रलंबित राहणे सध्याच्या परिस्थितीत योग्य नाही.
केंद्र शासनाने लाॅकडाऊन शिथिल करताना धार्मिक स्थळे खुली करण्यास परवानगी दिली आहे. त्यानुसार सर्व राज्यांनी धार्मिक स्थळे खुली केली आहेत. पण महाराष्ट्रातच नाहीत. दारूची दुकाने व मॉल सुरू करता मग मंदिरे सुरू करण्यास काय हरकत आहे, असा प्रश्न त्यांनी उपस्थित केला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.