यवतमाळ : "यवतमाळ हा जिल्हा काँग्रेसचा बालेकिल्ला आहे. त्यामुळे गत वैभव मिळवुन देण्यासाठी सर्वांनी मतभेद दूर करून एकजुटता दाखवावी," असे आवाहन काँग्रेस प्रदेशाध्यक्ष तथा राज्याचे महसुल मंत्री बाळासाहेब थोरात यांनी येथे केले. आगामी काळातील निवडणुका डोळ्यासमोर ठेऊन पक्ष बांधणी करावी, असेही ते म्हणाले.
येथील वादाफळे पॅलेसमध्ये काँग्रेस कार्यकर्ता मेळाव्यात ते काल बोलत होते. यावेळी सार्वजनिक बांधकाम मंत्री अशोकराव चव्हाण, ऊर्जा मंत्री नितीन राऊत, महिला व बालकल्याण मंत्री यशोमती ठाकूर, मदत व पुर्नवर्सन मंत्री विजय वड्डेटीवार, नितीन कुंबलकर, आशिष दुआ, माजी मंत्री माणिकराव ठाकरे, खासदार बाळू धानोरकर, शिवाजीराव मोघे, वसंतराव पुरके, सचिन नाईक, वामनराव कासावार, जिल्हाध्यक्ष वझाहत मिर्झा, सध्या सव्वालाखे, माजी जिल्हा परिषद अध्यक्ष राहूल ठाकरे, जिल्हा परिषदेचे अर्थ व बांधकाम सभापती राम देवसरकर, माजी आमदार विजय खडसे, बाळासाहेब मांगुळकर आदी उपस्थित होते.
थोरात म्हणाले की, काँग्रेच भवनाच्या जागेकरीता माणिकराव ठाकरे यांनी प्रयत्न केले. त्यासोबतच जिल्ह्यातील इतरही नेत्यांनी पाठपुरावा केल्याने भव्यदिव्य वास्तू यवतमाळात उभारण्यात येणार आहे. याचाच कित्ता राज्यभरा राबविण्यात येणार आहे. संपूर्ण राज्यात काँग्रेस भवन उभारण्यात येईल, अशी ग्वाही महसुल मंत्री थोरात यांनी दिली. येणार्‍या काळात नगर पालिका, जिल्हा परिषद निवडणुका आहे. ह्यात एकजूटता दाखविल्यास आपल्याला यश नक्कीच मिळेल, असेही थोरात म्हणाले.
कोरोनाच्या काळात कर्जमाफीचा निर्णय महाविकास आघाडी सरकारने घेतला. फडणवीस सरकारने केलेली कर्जमाफी अतिशय चुकीची होती. मात्र, महाविकास आघाडीने कुठल्याही अडथळाविना शेतकर्‍यांना कर्जमाफी दिली. मदत व पुर्नवर्सन मंत्री विजय वड्डेटीवार, महिला व बालकल्याण मंत्री यशोमती ठाकूर, ऊर्जामंत्री नितीन राऊत, सार्वजनिक बांधकाम मंत्री अशोकराव चव्हाण, खासदार बाळू धानोरकर, माजीमंत्री माणिकराव ठाकरे, आशिष दुआ आदींनी विचार व्यक्त केले.
हेही वाचा : भाजपचे नेते ज्योतिरादीत्य शिंदे म्हणाले, "काँग्रेसला मत द्या.."
ग्वाल्हेर : विधानसभेच्या 28 जागांसाठी मध्यप्रदेशात पोटनिवडणुक होत आहे. आरोप-प्रत्यारोपांमुळे मध्यप्रदेशातील राजकीय वातावरण सध्या तापले आहे. अनेक नेत्यांच्या प्रचार सभा आणि रॅलीचे आयोजन केलं जात आहे. कार्यक्रते, नेत्यांची सर्वत्र लगभग दिसत आहे. काँग्रेस, भाजपा आणि इतर अनेक पक्ष आपापल्या उमेदरवारासाठी प्रचार करत आहेत. भाजपचे नेते, राज्यसभेचे खासदार ज्योतिरादित्य शिंदे हेदेखील या निवडणुकीत प्रचार करत आहेत. काँग्रेसचा राजीनामा देऊन भाजपच्या गोटात शिरलेले ज्योतिरादित्य शिंदे हेदेखील निवडणुकीचे मैदान गाजवित आहेत. एका जाहीरसभेत ज्योतिरादित्य शिंदे हे आपला पक्षच विसरले... मतदारांकडे त्यांनी चक्क काँग्रेससाठीच मतांची मागणी केली. त्याचा व्हिडिओ सोशल मीडियावर व्हायरल झाला आहे. विरोधकांनी शिंदे यांच्यावर टीका करीत त्यांना चिमटे काढले आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.