मुंबई : विधान परिषदेच्या शिक्षक व पदवीधर मतदार संघाच्या निवडणुकीसाठी कॉंग्रेस पक्षाने उमेदवार निश्चित केले आहेत.
नागपूर विभाग पदवीधर मतदारसंघातून अभिजित गोविंदराव वंजारी यांना उमेदवारी देण्यात आली आहे, तर पुणे विभागीय शिक्षक मतदार संघातून जयंत दिनकर असगावकर यांची उमेदवारी कॉंग्रेसकडून जाहीर करण्यात आली आहे.
अखिल भारतीय कॉंग्रेस समितीचे सरचिटणीस मुकुल वासनिक यांनी ही माहिती प्रसिद्धी पत्रकाद्वारे कळविली आहे. केंद्रीय मंत्री नितीन गडकरी यांनी प्रतिनिधीत्व केलेल्या नागपूर पदवीधर मतदारसंघासाठी वंजारी यांना कॉंग्रेस पक्षाने संधी दिली आहे. वंजारी यांच्याकडून या निवडणुकीची जोरदार तयारी करण्यात आली आहे. या ठिकाणी भाजप कोणता उमेदवार देणार आहे, याकडे राजकीय धुरिणींचे लक्ष लागले आहे.
दरम्यान, पुणे, सांगली, सातारा, सोलापूर आणि कोल्हापूर या पाच जिल्ह्यांचा समावेश असलेल्या पुणे शिक्षक मतदारसंघातून कॉंग्रेस पक्षाने जयंत असगावकर यांना तिकिट दिले आहे. येत्या 1 डिसेंबर रोजी राज्यातील तीन पदवीधर आणि दोन शिक्षक मतदारसंघासाठी मतदान होणार आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.