मुंबई : मुंबई काँग्रेसचे अध्यक्ष भाई जगताप यांनी आज मुंबईतील नालेसफाई, महापालिकेचा कारभार, विरोधी पक्षनेते देवेंद्र फडणवीस यांच्यावर तोफ डागली. महापालिकेच्या कारभारावर त्यांनी जोरदार टीका केली. मुंबई महानगर पालिका निवडणूक स्वबळावर लढणार असल्याचे त्यांनी पत्रकार परिषदेत सांगितले. Congress leader Bhai Jagtap criticizes Devendra Fadnavis
राज्यात महाविकास आघाडी सरकारमध्ये असलेल्या काँग्रेसने मुंबई महापालिकेत सत्तेत असलेल्या शिवसेनेला मात्र अडचणीत आणण्यासाठी पाऊले उचलली आहेत. ''मुंबई महापालिकेत आम्ही विरोधी पक्षात आहोत,'' असे सांगत मुंबई काँग्रेस अध्यक्ष भाई जगताप यांनी मालमत्ता कर वाढ, मुंबई महापालिका प्रभागांची फेररचना, बेस्ट कर्मचाऱ्यांच्या ग्रॅच्युईटीसाठी अनुदान, नालेसफाई या मुद्यावर आरोप करत सेनेच्या अडचणीत वाढ केली आहे.
जगताप म्हणाले की, ओबीसी आरक्षण रद्द व्हायला भाजप जबाबदार आहे. देवेंद्र फडणवीस सारखा दोगला माणूस मी पहिला नाही. ते फडणवीस नसून 'फसवणीस' आहे. मराठा, ओबीसी, धनगर समाजाची फडणवीस यांनी फसवणूक केली आहे. 'सत्ता द्या ओबीसींना आरक्षण देतो' असे देवेंद्र फडणवीस कसे म्हणू शकतात?
''पहिल्याच पावसात मुंबईची तुंबई झाली. नालेसफाईसाठी १०० कोटी खर्च केले, तर मग हा पैसा गेला कुठे, यामधील जबाबदार कंत्राटदारांवर कारवाई करा. नालेसफाईचा अहवाल प्रसिद्ध केला पाहिजे, प्रशासनाने मुंबईकरांना लवकरच खड्डेमुक्त केलं पाहिजे,'' असे जगताप यांनी सांगितले.
मराठा आरक्षणाबाबत शरद पवारांना नरेंद्र पाटलांचा सवाल, म्हणाले..
पंढरपूर : ''मराठा आरक्षणाच्या प्रश्नावरुन मराठा नेत्यांमध्ये फूट पडलेली नाही, पण पुढे कोण येते हे महत्वाचे आहे. सत्ताधारी पक्ष यातून पाय काढतो आहे. तो कुणाच्या तरी मागे लपतो आहे. गेल्यावेळी मराठा क्रांती मोर्चा निघाला होता तेव्हा सत्ताधारी आणि विरोधक मोर्चात एकाच वेळी सहभागी झाले होते. पण आता या प्रश्नी सत्ताधारी पक्ष मोर्चा काढण्यासाठी बाहेर पडत नाही,'' असा आरोप माजी आमदार,अण्णासाहेब पाटील आर्थिक विकास महामंडाळाचे माजी अध्यक्ष नरेंद्र पाटील यांनी आज केला. ते माध्यमांशी बोलत होते. राष्ट्रवादी काँग्रेसचे अध्यक्ष शरद पवार यांच्यावरही त्यांनी टीका केली.
Edited by : Mangesh Mahale
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.