बुलढाणा : रेमडेसिविर,अॅाक्सिजनचा तुटवडा जाणवत आहे. त्यातच रुग्णवाहिका वेळेवर उपलब्ध होत नसल्याच्या अनेक तक्रारी येत आहेत. बुलढाणा जिल्ह्यातही अशाच प्रकार काल घडला.
हिंगोलीत जिल्हा परिषदेच्या अध्यक्षांना १०८ रुग्णवाहिकेसाठी दोन तास ताटकळत थांबावे लागत असल्याने शिवसेनेचे आमदार संतोष बांगर रुग्णवाहिका व्यवस्थापनावर चांगलेच भडकले. ''पुढच्या वीस मिनिटात रुग्णवाहिका उपलब्ध न झाल्यास तुमच्या सर्व गाड्या पेट्रोल ओतून जाळून टाकील..'' असा इशारा आमदार बांगर यांनी दिला आहे. दरम्यान आमदारांच्या या इशाऱ्यानंतर तातडीने जिल्हा परिषदेचे अध्यक्ष गणाची बेले यांना रुग्णवाहिका पाठवून पुढील उपचारासाठी रुग्णालयात पाठविण्यात आले.
राज्यात रेमडेसिविरचा तुटवडा जाणवत असल्याचे कोरोना रुग्णांच्या नातेवाईकांना धावपळ करावी लागत आहे, तर दुसरीकडे रेमडेसिविरचा काळाबाजार होत असल्याचे आढळत आहे. त्यामुळे रूग्णांचे नातेवाईक हतबल होत आहे. बुलढाणा जिल्ह्यात रुग्णांचे नातेवाईक रेमडेसिविरसाठी वणवण फिरत आहे. शिवसेनेचे आमदार संजय गायकवाड यांनी याबाबत संताप व्यक्त करुन राज्य सरकारला घरचा आहेर दिला आहे.
बुलढाणा जिल्ह्यात रेमडेसिविर इंजेक्शनचा मोठ्या प्रमाणावर तुटवडा निर्माण झालेला आहे. यामुळे रुग्नांच्या मृत्यू दरात वाढ झालेली आहे. याबाबत शिवसेनेचे आमदार संजय गायकवाड म्हणाले की, एकीकडे रुग्णाचे नातेवाईक इंजेक्शनसाठी वणवण फिरत असताना त्यांना इंजेक्शन उपलब्ध होत नाही, मात्र एजंटाकडे इंजेक्शन उपलब्ध आहेत. हा टाळूवरचं लोणी खाण्याचा प्रकार असून बाहेरून इंजेक्शन कसे मिळतात हे मला हे दाखवा मी माझ्या घरातून एक कोटी रुपये द्यायला तयार आहे. मी इंजेक्शन घेतो व रुग्णांना मोफत वाटतो रुग्णानांचे जीव तरी वाचतील. संतप्त प्रतिक्रिया देत आमदार संजय गायकवाड यांनी राज्य सरकारला घरचा आहेर दिला आहे. बुलढाणा जिल्हा राज्याचे अन्न व औषधी प्रशासन मंत्री डॉ. राजेंद्र शिंगणे यांचे होमटाऊन आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.