ते वक्त्यव्य करून महाडिकांनी कोल्हापूरकरांचा अपमान केला : हसन मुश्रीफ

आम्ही सर्व संस्था चांगल्या चालवल्या आहेत. जिल्हा बँक अव्वल स्थानी आणली आहे.
 Hasan Mushrif .jpg
Hasan Mushrif .jpg

कोल्हापूर : गोकुळचे सत्ताधारी हे 3, 13, 23 तारखेला बिले दिली जातात, असे सांगतात. अहो, गवळी देखील १० दिवसाला शेतकऱ्याला पैसे देतात. नाही दिले तर दूध घालणार कोण? पैसे देता म्हणजे काय उपकार करता का, असा टोला ग्रामविकास मंत्री हसन मुश्रीफ यांनी लगावला. ते पत्रकार परिषदेत बोलत होते. 

मुश्रीफ म्हणाले, आम्ही सर्व संस्था चांगल्या चालवल्या आहेत. जिल्हा बँक अव्वल स्थानी आणली आहे. गोकुळ देखील ताब्यात द्या. ती संस्था देखील चांगली चालवून दाखवू, असे सांगतच मुश्रीफ यांनी गोकुळमध्ये सत्ता आली तर धोरणात्मक निर्णय आम्ही नेते मंडळीच घेणार आहोत, असे स्पष्ट केले.

महाडिक यांच्या सारखी सत्ता असती तर गोकुळमध्ये एक टँकर देखील लावला नसता, असा टोला मुश्रीफ यांनी महादेवराव महाडिक यांना लगावला.

 चेअरमन निवड बाकी

गोकुळ निवडणुकीचा निकाल लागला आहे. फक्त चेअरमन निवड बाकी आहे असे सांगत, गोकुळ मध्ये महविकास आघाडीची सत्ता येणार असल्याचा विश्वास मुश्रीफ यांनी व्यक्त केला.

बाप, ताप की पाप

महादेवराव महाडिक यांनी परवा आपण जिल्ह्याचा बाप असल्याचे वक्तव्य केले आहे. ते बाप आहेत, ताप आहेत की पाप, यावर खासदार संजय मंडलिक यांनी प्रतिक्रिया दिली आहे. मात्र महाडिक यांनी असे बोलून लोकांचा अपमान केला आहे. असे बोलणे बरे न्हवे, असेही मुश्रीफ यांनी सांगितले. 

महाडिक काय म्हणाले होते?

''कोल्हापूर जिल्हा सहकारी दूध संघाच्या (गोकुळ) निवडणुकीच्या निमित्ताने माझ्यावर बरीच टीका-टिपणी सुरू आहे. त्याचे उत्तर आज देण्याची मला गरज वाटत नाही. योग्य वेळी समक्ष चौकात उत्तर देईन. मी सर्वांचा बाप आहे. पुरून उरणार'', अशा शब्दांत माजी आमदार महादेवराव महाडिक यांनी विरोधकांचा समाचार घेतला होता. 

महाडिक म्हणाले होते, ''लोकशाहीत प्रत्येकाला निवडणूक लढविण्याचा अधिकार आहे. पण, गोकुळ गोरगरिबांचा आहे. तो दूध उत्पादक-कर्मचाऱ्यांच्या ताब्यात राहिला पाहिजे. त्याला धक्का लागता कामा नये. आरोप करणे विरोधकांचे कामच आहे. पण, तुमच्या कृपेने विजय आमचाच आहे. संघ योग्य हातात राहण्यासाठी एकही मत इकडे-तिकडे होता कामा नये''. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com