राष्ट्रवादीकडून चर्चेत असलेले प्रा. भिंगे म्हणतात, 'बायोडाटा मागवून घेतला; पण...' 

धनगर समाजाचा चेहरा म्हणून प्रा. भिंगे यांची ओळख आहे.
Nationalist Congress called for biodata; But ...: Pvt. Yashpal Bhinge
Nationalist Congress called for biodata; But ...: Pvt. Yashpal Bhinge

नांदेड : राष्ट्रवादी कॉंग्रेसच्या नेतृत्वाने आपल्याकडून बायोडाटा मागवून घेतला आहे, यात दुमत नाही. पण, विधान परिषदेवर मला संधी मिळेल की नाही, याबद्दल निश्‍चित सांगता येणार नाही. संधी मिळाल्यास चांगले काम करून दाखवू, असा विश्‍वास राष्ट्रवादीकडून विधान परिषद सदस्यत्वासाठी पाठविण्यात आलेल्या नावाची चर्चा असलेल्या नांदेड येथील प्रा. यशपाल भिंगे यांनी व्यक्त केला. 

विधान परिषदेवर राज्यपाल नियुक्त बारा जागांसाठी सध्या महाआघाडीकडून नावे अंतिम करण्याची प्रक्रिया सुरू आहे. त्यामध्ये राष्ट्रवादी कॉंग्रेसच्या कोट्यातून वंचित बहुजन आघाडीकडून गत लोकसभा निवडणुकीत पराभूत झालेले नांदेडचे प्रा. भिंगे यांच्या नावाची चर्चा सुरू आहे. धनगर समाजाचा चेहरा म्हणून प्रा. भिंगे यांची ओळख असून त्यांच्याकडून राष्ट्रवादी कॉंग्रेसने बायोडाटा मागविला आहे. त्यामुळे त्यांना आमदारकी मिळण्याची शक्‍यता आहे. 

महाआघाडीतर्फे कॉंग्रेस, राष्ट्रवादी आणि शिवसेनेच्या वतीने प्रत्येकी चार याप्रमाणे बारा नावे देण्यात येणार आहेत. त्यासंदर्भात मंत्रिमंडळातर्फे चर्चा सुरू आहे. दरम्यान, नांदेडमधून प्रा. भिंगे यांचा राष्ट्रवादीने बायोडाटा मागवून घेतल्याने त्यांच्या नावाची चर्चा आहे. 

धनगर समाजाची लोकसंख्या पाहता राष्ट्रवादी कॉंग्रेसकडून केवळ एकच आमदार निवडून आला आहे. त्यामुळे समाजाला प्रतिनिधित्व देण्याचा प्रत्येक पक्षाचा प्रयत्न आहे. धनगर समाजाचे अभ्यासू प्राध्यापक व तरुण नेतृत्व म्हणून प्रा. भिंगे यांच्याकडे पाहिले जात आहे.

ते राजकारणात नवखे असले तरी, त्यांचा समाजाविषयाचा तसेच इंग्रजीचा दांडगा अभ्यास आहे. त्यामुळे राष्ट्रवादी कॉंग्रेसचे अध्यक्ष, ज्येष्ठ नेते शरद पवार यांच्याकडून प्रा. भिंगे यांच्या रूपाने नवीन, अभ्यासू चेहऱ्याला विधान परिषदेसाठी संधी मिळण्याची शक्‍यता वर्तविण्यात येत आहे. 

Edited By Vijay Dudhale

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com