शिवसेनेच्या माजी शहराध्यक्षाची गोळ्या झाडून हत्या 

लोणावळा (पुणे) : लोणावळा शहर शिवसेनेचे माजी शहराध्यक्ष राहुल उमेश शेट्टी (वय ३८) यांची गोळ्या झाडून हत्या करण्यात आली. आज जयचंद चौक येथील त्यांच्या कार्यालयाजवळ सकाळी साडे नऊ वाजण्याच्या सुमारास हा प्रकार घडला. अज्ञात हल्लेखोरांनी गोळ्या झाडत तसेच धारदार शस्त्राने वार करत शेट्टी यांची हत्या केली.  

राहुल शेट्टी यांच्या हत्येने लोणावळा परिसरात सकाळी तणावाचे वातावरण होते. शेट्टी यांच्याबरोबर त्यांचा सहकारी गणेश नायडू याची काल रात्री खून करण्यात आल्याची घटना घडली आहे. एकाच दिवशी हत्येच्या लागोपाठ दोन घटनांनी लोणावळा पुन्हा एकदा हादरले आहे. 
  
जयचंद चौक हा अत्यंत वर्दळीचा चैाक आहे. आज सकाळी या ठिकाणी भर चौकात ही घटना घडल्याने खळबळ उडाली आहे. शेट्टी यांच्याबरोबर त्यांचा सहकारी गणेश नायडू याची रात्री साडे अकरा वाजण्याच्या सुमारास हनुमान टेकडी येथे अज्ञात हल्लेखोरांनी धारदार शस्त्राने वार करत खून करण्यात आल्याची घटना घडली आहे. लोणावळा पोलिसांनी घटनास्थळी धाव घेतली आहे. तपास सुरू केला आहे.

हेही वाचा : तुमच्या धमक्यांना xxवर मारतो; निलेश राणेंची ठाकरेंवर  टीका
 
मुंबई : शिवसेना पक्षप्रमुख व मुख्यमंत्री उद्धव ठाकरे यांनी काल दसरा मेळाव्यानिमित्त केलेले भाषण भाजपला व विशेषतः राणे बंधूंना चांगलेच झोंबले आहे. आमदार नितेश राणेंपाठोपाठ माजी खासदार निलेश राणे यांनी अश्लाघ्य भाषेत ट्वीट करुन ठाकरे कुटुंबावर टीका केली आहे. ''छोट्या फावड्याला वाचवण्यासाठी मोठा फावडा काल इतका बरळत होता की त्याचं त्यालाच कळलं नाही तो काय बोलतोय. ज्यांच्या घरात घाणेरडी लफडी आहेत ते दुसऱ्यांवर गल्लीच्या कुत्र्यासारखे भुंकले. सम्राठाची लफडी महाराष्ट्राला कळली तर xxx लपून महाराष्ट्र सोडावा लागेल,'' असे निलेश यांनी एका ट्वीटमध्ये म्हटले आहे. दुसऱ्या ट्वीटमध्ये निलेश राणे म्हणतात......नेहमीप्रमाणे दसरा मेळाव्यात उद्धव ठाकरेंनी फालतू आणि पोकळ भाषण केलं. मराठा व धनगर आरक्षणाबद्दल १ वाक्य पण बिहारवर २० मिनिट. उद्धव ठाकरे धमकी कोणाला देता, आम्ही चॅलेंज देतो एका दिवसासाठी विसरा तुम्ही मुख्यमंत्री आहात आणि होऊन जाऊ दे एकदा... तुमच्या धमक्यांना आम्ही xxवर मारतो.