फडणवीसांचा सरकारवर निशाणा.. मेट्रोने विमानतळावर कधी पोहोचू शकेन..

देवेंद्र फडणवीस यांनी महाविकास आघाडीने मुंबई मेट्रोबाबत घातलेल्या गोंधळाबाबत निशाणा साधला आहे.
ut28.jpg
ut28.jpg

नवी दिल्ली : विरोधी पक्षनेते देवेंद्र फडणवीस यांनी महाविकास आघाडीने मुंबई मेट्रोबाबत घातलेल्या गोंधळाबाबत निशाणा साधला आहे. काल देवेंद्र फडणवीस यांनी दिल्ली मेट्रोतून प्रवास केला. या प्रवाशाबाबत त्यांनी समाधान व्यक्त केले आहे. त्यानंतर त्यांनी मुंबईतील मेट्रोबाबत महाविकास आघाडीवर टीकास्त्र सोडले आहे. कारशेडमुळे घातलेल्या गोंधळामुळे मुंबई मेट्रोने विमानतळावर कधी पोहोचू शकेन, याबाबत शंका वाटते असे फडणवीस यांनी म्हटले आहे. 

 दिल्ली मेट्रोतून कमी वेळेत प्रवास झाल्याबद्दल फडणवीस यांनी समाधान व्यक्त केले आहे. त्यांनी मेट्रो-३ प्रकल्पाच्या रखडलेल्या कामावरून राज्यातील महाविकास आघाडी सरकारवर टीकास्त्र सोडले आहे. त्यांनी म्हटले आहे की, विमानतळावर जाण्यासाठी मी आज दिल्ली मेट्रोने प्रवास केला.रस्तेमार्गाच्या तुलनेत मी अतिशय कमी वेळेत मेट्रोने विमानतळावर पोहोचलो. महाविकास आघाडीने कारशेडच्या विषयावर घातलेला गोंधळ पाहता मी असाच मुंबईत मेट्रो-३ ने मी विमानतळावर कधी जाऊ शकेन माहीत नाही.

हायकोर्टाने कांजूरमार्ग येथील कारशेडचे काम थांबवण्याचे आदेश दिले होते. आता उद्धव ठाकरे यांच्या नेतृत्वातील महाविकास आघाडीचे सरकार कारशेडसाठी पर्यायी जागेचा शोध घेत आहे. यावरून फडणवीस यांनी ठाकरे सरकारला लक्ष केले आहे.
 
मुख्यमंत्री असताना देवेंद्र फडणवीस यांनी मेट्रो-३ मार्गिकेच्या आरे कारशेडचा मुद्दा चांगलाच चर्चेत आला होता. ही कारशेडसाठी उभारण्यासाठी आरेतील जागा ठरविण्यात आली होती. त्यासाठी सर्व परवानग्याही घेण्यात आल्या होत्या. मात्र, त्यानंतर पर्यावरण प्रेमींनी या विरोधात आवाज उठवून आंदोलन केले होते. महाविकास आघाडीचे सरकार सत्तेत आल्यानंतर आरेतील कारशेड कांजूरमार्गला हलवण्याचा निर्णय घेण्यात आला होता. मात्र, कांजूरमार्ग येथील जागा मिठागाराची असल्याचे केंद्र सरकारने सांगितल्यानंतर हा वाद न्यायालयात गेला आहे.
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com