पिंपरी : गेली तीन वर्षांपासून प्रतीक्षेत असलेल्या राज्यातील 96 पोलिस निरीक्षकांना (पीआय) अखेर आज (ता. 24 डिसेंबर) बढती मिळाली. या सर्वांची बढतीवर बदली झाली आहे. पिंपरी-चिंचवडमधील चार पीआयचा त्यामध्ये समावेश आहे. या अधिकाऱ्यांना नववर्षाची ही भेटच मिळाली आहे.
खुल्या जागांवर ही तात्पुरती पदोन्नती असल्याचे गृह विभागाच्या आदेशात म्हटले आहे. गेल्या तीन वर्षांतील निवड यादीतील निरीक्षकांना या बढत्या देण्यात आल्या आहेत. पोलिस प्रशिक्षण केंद्र (पीटीएस), खंडाळा येथील दोन पोलिस निरीक्षक जितेंद्र जगदाळे यांची उपविभागीय पोलिस अधिकारी म्हणून लातूर येथे, तर शशिकांत वाखारे यांची पोलिस उपअधीक्षक म्हणून जिल्हा जात प्रमाणपत्र पडताळणी समिती, अमरावती येथे बदली झाली आहे.
पिंपरी-चिंचवड पोलिस आयुक्तालयातील बढती मिळालेले पोलिस निरीक्षक आणि कंसात बदली झालेले ठिकाण
विवेक लावंड : (उपविभागीय पोलिस अधिकारी, मुक्ताईनगर, जळगाव)
राजकुमार शिंदे : (उपअधीक्षक, जिल्हा जात प्रमाणपत्र पडताळणी समिती, धुळे)
खंडेराव खैरे : (पोलिस उपअधीक्षक तथा डीवायएसपी, राज्य गुन्हे अन्वेषण विभाग (सीआयडी), पुणे)
प्रकाश धस : (डीवायएसपी, सीआयडी, पुणे)
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.