जळगाव :- येथील शिवाजीनगर भागातील स्मशानभूमीजवळ माजी महापौर अशोक सपकाळे यांचे चिरंजीव राकेश अशोक सपकाळे वय २८ याचा बुधवारी रात्री 11:30 च्या सुमारास अज्ञात व्यक्तींनी धारदार शस्त्राने वार करून निर्घृण खून केल्याची घटना घडली आहे. याप्रकरणी शहर पोलिस स्टेशनचे पोलिस कर्मचारी माहिती घेत आहेत.
राकेश अशोक सपकाळे याच्यावर अज्ञात लोकांनी अज्ञात कारणावरून वाद घालून धारदार शस्त्राने वार केल्याची माहिती मिळाली. त्याला गंभीर अवस्थेत जळगावातील पारखनगरातील ओम क्रिटिकल केअर सेंटर मध्ये उपचारासाठी आणण्यात आले मात्र तत्पूर्वीच त्यांचा मृत्यू झाला होता. या घटनेमुळे एकच खळबळ उडाली असून शहरात पुन्हा एकदा गुन्हेगारीने डोके वर काढले असल्याचे बोलले जात आहे. या प्रकरणी पोलिस पुढील तपास करीत आहेत.
Edited By - Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.