ज्योती देवरे यांच्या 5 कोटी 94 लाख रुपयांच्या भ्रष्टाचाराची लोकायुक्ताकडे तक्रार - Jyoti Deore's complaint of corruption of Rs 5 crore 94 lakh to Lokayukta | Politics Marathi News - Sarkarnama

ब्रेकिंग न्यूज

कोकणासाठी मोठी बातमी : चिपी विमानतळाचा मार्ग मोकळा, DGCE चा परवाना. 9 ऑक्टोबरला उद्घाटन आणि त्याच दिवसापासून प्रवाशी वाहतूक
पंजाबमधील राजकारण पेटले : मुख्यमंत्री अमरिंदरसिंग यांचा राजीनामा; नवा मुख्यमंत्री कोण, याची उत्सुकता

ज्योती देवरे यांच्या 5 कोटी 94 लाख रुपयांच्या भ्रष्टाचाराची लोकायुक्ताकडे तक्रार

अमित आवारी
सोमवार, 30 ऑगस्ट 2021

तहसीलदार देवरे यांनी ऑडिओत नीलेश लंके यांचे नाव न घेता आरोप केले होते.

अहमदनगर ः तहसीलदार ज्योती देवरे यांचा ऑडिओ व्हायरल झाल्यापासून आमदार नीलेश लंके यांच्या विरोधात राजकीय वातावरण तापले आहे. अशातच ज्योती देवरे यांचीही जिल्हा प्रशासनाकडून चौकशी सुरू आहे. देवरे ऑडिओ प्रकरणामुळे पारनेर तालुक्यातील राजकीय व सामाजिक वातावरण ढवळून निघाले आहे.

तहसीलदार देवरे यांनी ऑडिओत नीलेश लंके यांचे नाव न घेता आरोप केले होते. त्यामुळे आमदार लंके समर्थक तहसीलदार देवरे यांच्या विरोधात रोज नवीन काहीतरी करत असलेले दिसून येत आहेत. अशातच आमदार लंके यांचे समर्थक समजल्या जाणाऱ्या अॅड. राहुल झावरे, संदीप चौधरी, ज्ञानेश्वर लंके, सुहास साळके यांनी प्रसिध्द विधीतज्ज्ञ अॅड. असीम सरोदे यांच्या मार्फत मुंबईतील लोकायुक्तांकडे एक तक्रार दाखल केली आहे. या तक्रारीत तहसीलदार देवरे यांनी पाच कोटी 94 लाख रुपयांचा भ्रष्टाचार केला असल्याचे म्हटले आहे.

हेही वाचा...

अहमदनगर जिल्हा विभाजनाची नांदी?

या याचिके संदर्भात अॅड. असीम सरोदे यांनी पत्रकार परिषद घेतली. यात ते म्हणाले, पदाचा गैरवापर करणे, पदाचा वापर करून स्वतःसाठी झटपट पैसे कमविण्याचे साधन म्हणून ते वापरणे, लोकांवर दबाव टाकून मुद्दाम त्रास देण्यासाठी त्यांची वाहने बेकायदेशीर रित्या पकडणे, वाळू उत्खनन करणारे यंत्र बेकायदेशीरपणे सोडून देण्यासाठी पैसे घेण्याचा जो प्रकार आहे, त्यामुळे 5 कोटी 94 लाख रूपये एवढा मोठा घोटाळा समोर येत आहे.

हेही वाचा...

आदिती तटकरे या बाप से बेटी सवाई निघतील - अण्णा हजारे

देवरे यांनी धुळे शहरात तहसीलदार असताना हजार कोटीच्या जमिनींचा गैरव्यवहार केला आहे. तिथल्या चौकशीतही निष्पन्न झाले आहे की, त्यांनी चुकीचे काम केले आहे. त्यामुळे या भ्रष्टाचारा विरोधात मुंबईतील लोकायुक्त आणि उपलोकायुक्त यांच्याकडे तक्रार करण्यात आलेली आहे. त्याची लवकरात लवकर सुनावणी होईल, असे अॅड. सरोदे यांनी सांगितले.

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख