'काय होते तुम्ही ! काय झाले तुम्ही ?' नारायण राणेंना रोहीत पवारांचा सवाल 

ज्येष्ठ नेते नारायण राणे यांनीही आपल्या नेहमीच शैलीत मुख्यमंत्री उद्धव ठाकरे यांचा आज समाचार घेतला.
'काय होते तुम्ही ! काय झाले तुम्ही ?' नारायण राणेंना रोहीत पवारांचा सवाल 

पुणे : " नारायण राणेसाहेब आघाडी सरकारमध्ये मतभेद आहेत. असे आपण म्हणालात, पण मतभेद हे जीवंत लोकशाहीचं तर आदेश हे हुकूमशाहीचं लक्षण आहे. इथं प्रत्येकजण मत मांडतो. त्यातून मतमतांतरं होत असतात, फक्त त्याला तुम्ही मतभेद असं नाव दिलं. कारण तुमच्याकडं चर्चेची नाही तर एकानेच निर्णय घेण्याची पद्धत आहे असे उत्तर राष्ट्रवादीचे आमदार रोहीत पवार यांनी राणे यांना दिले आहे. 

ज्येष्ठ नेते नारायण राणे यांनीही आपल्या नेहमीच शैलीत मुख्यमंत्री उद्धव ठाकरे यांचा आज समाचार घेतला. कोरोनाचे संकट त्यानंतरचे लॉकडाऊन तसेच दररोज वाढणारे रुग्ण. लोकांना सोयीसुविधा मिळत नसल्याच्या वाढत्या तक्रारी तसेच सरकारच्या एकंदरीच कारभारावर राणे यांनी आज तोफ डागली.

राणे म्हणाले, की मुख्यमंत्री उद्धव ठाकरे हे अधिकाऱ्यांच्या पिंजऱ्यात आहेत. ते मातोश्रीच्या बाहेरही पडत नाहीत. महाराष्ट्राला मुख्यमंत्री आहे की नाही हा प्रश्‍न राज्यातील जनतेला पडला आहे. त्यांना सत्तेवर राहाण्याचा मुळीच अधिकार नाही. आता मंत्रालयाचे नाव बदलून सचिवालय करायला हवे.'' 

आघाडी सरकारवर राणे यांनी केलेल्या टीकेला उत्तर देताना पवार यांनी म्हटले आहे, की मला माहित असलेले राणेसाहेब सामान्यांच्या प्रश्नावर प्रचंड आक्रमकपणे मुद्देसूद बोलणारे होते. तेच आज लिहून दिलेली स्क्रिप्ट वाचत असल्यासारखे वाटले. बेस्टच्या खाजगीकरणावर बोलताना रेल्वेचं खाजगीकरण, इंधन दरवाढ यावर ते शांत बसले. वास्तविक, आज हेच प्रश्न केंद्र सरकारकडे खास 'राणे स्टाईल'मध्ये मांडून त्यांनी ते सोडवायला पाहिजेत. पण दुर्देवाने आज त्यांना बोलताना ऐकूण असं वाटतं की.. 'काय होते तुम्ही ! काय झाले तुम्ही ?' 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com