`मोक्या`तील आरोपीला पोलिसांची मदत : एक API आणि सहायक फौजदार निलंबित

एकाने चुकीचा अहवाल दिला आणि दुसऱ्याने तो गावभर केला...
jagtap police.jpg
jagtap police.jpg

पुणे : गुन्हेगारांना सहकार्य करण्याची भूमिका पुण्यातील दोन पोलिस अधिकाऱ्यांच्या चांगलीच भोवली आहे. यातील एक सहायक पोलिस निरीक्षक आणि दुसरा सहायक फौजदार आहे. एखादे प्रकरण संवेदनशील असताना व त्याबाबत सारे पोलिस खाते जागरूक असताना या दोन अधिकाऱ्यांनी असा प्रताप केल्याने त्यांना निलंबित करण्यात आले आहे.

महाराष्ट्र संघटीत गुन्हेगारी प्रतिबंधक कायद्यानुसार (मोक्का) कारवाई झालेला आरोपी व बडतर्फ पोलिस शैलेश जगताप गेले अनेक कोठडीत आहे. तो ससून रुग्णालयात उपोषण करीत असताना मदत केल्याचा ठपका या दोन अधिकाऱ्यांवर ठेवण्यात आला आहे. अतिरिक्त आयुक्त डाॅ, संजय शिंदे यांनी ही कारवाई केली. सहायक पोलिस निरीक्षक निलेश सुरेश घोरपडे व सहायक उपनिरीक्षक राजेश ईश्‍वर कांबळे असे निलंबित केलेल्यांची नावे आहेत.

जगताप याच्यावर शहरातील विविध पोलिस ठाण्यात खंडणी, फसवणुकीसह विविध प्रकारचे गुन्हे दाखल आहे. याप्रकरणी जगताप याच्यावर ससून रूग्णालयात उपचार सुरू असल्याने तो न्यायालयीन कोठडीत आहे. दरम्यान, जगतापने 11 ऑक्‍टोबरपासून रूग्णालयातच उपोषण सुरू केले होते. त्यावेळी बंडगार्डन पोलिस ठाण्याअंतर्गतच्या पुणे स्टेशन पोलिस चौकीमध्ये नियुक्तीस असलेल्या सहायक पोलिस निरीक्षक निलेश घोरपडे व त्यांच्या पथकाला जगतापचे समुपदेशन करण्यास सांगण्यात आले होते. त्यानुसार घोरपडे ससून रुग्णालयात गेले. त्यावेळी रास्ता पेठेतील जागेचा ताबा घेण्यासाठी आपल्यावर मोक्‍काचा गुन्हा दाखल करून दबाव आणला जात असल्याने आपण उपोषण करीत असल्याचे जगतापने घोरपडे यांना सांगितले.

मात्र, कर्तव्यावर असतानाही घोरपडे यांनी ही बाब वरिष्ठांच्या निदर्शनास आणून दिली नाही. याउलट त्यांनी अनावश्‍यकरित्या स्टेशन डायरीमध्ये नोंद करण्याचा अहवाल दिला. तर सहायक  उपनिरीक्षक कांबळे यांनी हा अहवाल बऱ्याच व्हॉट्‌स ऍप ग्रुपवर प्रसारीत केला. त्यामुळे शासकीय गोपनियतेचा भंग झाल्याचा आणि पोलिस दलाची प्रतिमा मलीन झाल्याचा ठपका दोघांवर ठेवण्यात आला आहे. तसेच आरोपीला मदत केल्याचा ठपका ठेऊन दोघांवर निलंबनाची कारवाई करण्यात आली आहे. सध्या दोघांचीही बदली पोलिस मुख्यालयात केली असून पोलिस उपायुक्तांच्या परवानगीशिवाय शहराबाहेर जाण्यास मनाई करण्यात आली असल्याचे डॉ.शिंदे यांनी दिलेल्या आदेशात नमूद केले आहे

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com