पुण्याच्या उपमहापौर शेंडगे यांचा राजीनामा, नवा उपमहापौर आरपीआयचा...

आरपीआयकडून उपमहापौरपदासाठी कोणाची वर्णी लागणार याची उत्सुकता आहे.
sarsavti16.jpg
sarsavti16.jpg

पुणे : पुण्याच्या उपमहापौर सरस्वती शेंडगे यांनी आपल्या पदाचा राजीनामा पक्षाकडे सुपूर्द केला आहे. आता उपमहापौरपद पुन्हा एकदा आरपीआयला मिळणार असल्याचे स्पष्ट होत आहे. शेंडगे यांनी सोमवारी रात्री राजीनामा पक्षाकडे दिला आहे. पक्षातील वरिष्ठांनी या बातमीला दुजोरा दिला आहे. 

आता आरपीआयकडून उपमहापौरपदासाठी कोणाची वर्णी लागणार याची उत्सुकता आहे. पुणे महापालिकेत पदाधिकार्‍यांचे खांदेपालट करायला दोन महिन्यांपूर्वी सुरुवात करण्यात आली होती.

सभागृहनेते धीरज घाटे यांचा राजीनामा घेऊन त्यावर गणेश बिडकर यांना नियुक्त करण्यात आले होते. त्यासोबतच उपमहापौरपदीही नव्या व्यक्तीची निवड होणार अशी जोरदार चर्चा सुरू होती. मात्र त्यावेळी शेंडगे यांना पक्षाकडून अभय मिळाले होते. मात्र, आरपीआयला उपमहापौरपद देण्याची चर्चा पुन्हा एकदा सुरू होऊन भाजपनने हे पद आरपीआयला देण्याचा निर्णय घेतला आहे. 

भारतीय जनता पक्षाला २०१७ मध्ये पुणे महापालिकेत मोठे यश मिळाले होते. यात आरपीआयचे केवळ पाच नगरसेवक निवडून आले असले, तरी आरपीआयच्या मतांचा फायदा भाजपला शहरभर झाला होता. त्यामुळे अवघ्या दहा महिन्यांवर आलेल्या निवडणुकांच्या आधी भाजपने 'भाकरी फिरविण्या'चा निर्णय घेतला आहे.
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com