पुणे : शासनाने लॉकडाऊन शि‍थील केला आहे मात्र अद्याप कोरोनाचा धोका टळलेला नाही. पुणे शहरासोबतच ग्रामीण भागात कोरोना रुग्णांची संख्या दिवसेंदिवस वाढत आहे. पुणे शहर तसेच ग्रामीण भागात अनेक नागरीक कोणत्याही कारणाशिवाय घराबाहेर मास्क न वापरता तसेच प्रशासनाने घालून दिलेल्या नियमांचे पालन न करता फिरत असल्याचे निर्दशनास येत आहे. अशी परिस्थ‍िती कायम राहिल्यास प्रशासनाला आणखी कडक भूमिका घ्यावी लागेल प्रसंगी पुन्हा लॉकडाऊन घोषित करावे लागेल असा इशारा जिल्हाधिकारी नवल किशोर राम यांनी दिला आहे.
जिल्हाधिकारी राम म्हणाले, ''पुणे जिल्हयातील ग्रामीण भागात गेल्या वीस दिवसांच्या कालावधीत मोठया प्रमाणात कोरोना बाधित रुग्णसंख्येत वाढ झाली. शहरालगतच्या ग्रामपंचायत क्षेत्रात वाढती रुग्णसंख्या लक्षात घेता प्रशासनाला कडक भूमिका घ्यावी लागणार आहे. जिल्हयातील कुठल्याही गावात ५ पेक्षा जास्त कोरोना बाधित रुग्ण आढळले तर संपूर्ण गावाला प्रतिबंधीत क्षेत्र म्हणून घोषित करावे लागणार आहे,''
ग्रामीण भागात कोरोना प्रतिबंधात्मक उपाययोजनांसोबतच जनजागृतीवर भर दिला जाणर असलयाचे सांगून जिल्हाधिकारी राम म्हणाले, ''ग्रामीण भागात नागरीकांकडून मास्कचा वापर केला जात नसल्याचे निदर्शनास आले आहे तसेच लग्नसमारंभात दिलेल्या नियमांचे पालन न करताच गर्दी होताना दिसून येत आहे. त्यादृष्टीने भरारी पथके तयार करण्यात आली असून संबंधितांना कडक कारवाई करण्यात येणार आहे,''
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.