पदवीधर साठी राष्ट्रवादीकडून पुण्यात अरुण लाड, औरंगाबादमधून सतीश चव्हाण - NCP Announces Candidates for Pune and Aurangabad Graduate Constituency | Politics Marathi News - Sarkarnama

पदवीधर साठी राष्ट्रवादीकडून पुण्यात अरुण लाड, औरंगाबादमधून सतीश चव्हाण

सरकारनामा ब्युरो
गुरुवार, 12 नोव्हेंबर 2020

विधानपरिषद निवडणुकीत पदवीधर मतदारसंघातून औरंगाबाद विभागातून राष्ट्रवादीचे सतीश चव्हाण तर पुणे विभागातून अरुण लाड यांच्या नावाची घोषणा महाविकास आघाडीतर्फे उमेदवार म्हणून राष्ट्रवादी काँग्रेसचे प्रदेशाध्यक्ष जयंत पाटील यांनी केली आहे.

मुंबई : विधानपरिषद निवडणुकीत पदवीधर मतदारसंघातून औरंगाबाद विभागातून राष्ट्रवादीचे सतीश चव्हाण तर पुणे विभागातून अरुण लाड यांच्या नावाची घोषणा महाविकास आघाडीतर्फे उमेदवार म्हणून राष्ट्रवादी काँग्रेसचे प्रदेशाध्यक्ष जयंत पाटील यांनी केली आहे.

राष्ट्रवादी काँग्रेस विधानपरिषदेसाठी उमेदवार कधी जाहीर करणार याची उत्सुकता लागली असतानाच प्रदेशाध्यक्ष जयंत पाटील यांनी सतीश चव्हाण आणि अरुण लाड यांच्या नावाची घोषणा केली आहे.राष्ट्रवादीने जाहीर केलेले दोन्ही उमेदवार या निवडणूकीत विजयी होतील असा विश्वास प्रदेशाध्यक्ष जयंत पाटील यांनी व्यक्त केला आहे.

पुणे पदवीधर मतदारसंघाच्या निवडणुकीसाठी भाजपने आपली यादी जाहीर केली आहे. औरंगाबाद पदवीधर मतदार संघातू शिरीष बोरालकर, पुणे विभाग पदवीधर मतदारसंघातून संग्राम देशमुख, नागपूर विभागातून  संदिप जोशी आणि अमरावती विभाग शिक्षक मतदार संघातून नितीन धांडे यांची नांवे जाहीर झाली आहेत. पुणे पदवीधर मतदारसंघासाठी पुणे, सोलापूर, सातारा, सांगली, कोल्हापूर या पाच जिल्ह्यातील पदवीधर मतदार आपला प्रतिनिधी विधान परिषदेवर पाठविणार आहेत.

मराठवाडा पदवीधर निवडणुकीसाठी अपेक्षेप्रमाणे भाजपने शिरीष बोराळकर यांना उमेदवारी दिली आहे. भाजपकडून बोराळकर यांच्यासह घुगे, शितोळे, माजी केंद्रीय राज्यमंत्री जयसिंगराव गायकवाड यांनी देखील उमेदवारीसाठी प्रयत्न केले होते. परंतु बोराळकर यांनी या सर्वांवर मात करत उमेदवारी मिळवली. फडणवीस यांचे समर्थक म्हणून बोराळकर ओळखले जातात. २०१४ मध्ये बोराळकर यांनी पदवीधरची निवडणूक लढवली होती. पण तेव्हा राष्ट्रवादीचे सतीश चव्हाण यांनी त्यांचा पराभव केला होता. आता पु्न्हा या दोघांमध्ये लढत होणार आहे.
Edited By - Amit Golwalkar

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख