पिंपरी : राष्ट्रवादी काँग्रेसचे आमदार अण्णा दादू बनसोडे (MLA Anna Bansode) यांच्यावर गोळीबार करण्यात आला असून ते थोडक्यात बचावले आहे. दुपार एक वाजता ही घटना घडली. चिंचवड रेल्वे स्टेशन जवळ हा गोळीबार झाला. गोळीबार करणाऱ्या तानाजी पवार याला पोलिसांनी घेतले ताब्यात आहे. या घटनेचे निश्चित कारण अद्याप समजू शकले नाही. पोलिस त्यामागची कारणे शोधत आहे. (Firing on MLA Anna Bansode)
सत्ताधारी राष्ट्रवादीच्या आमदारावरच गोळीबार झाल्याने तो शहरात चर्चेचा विषय ठरला. चिंचवड स्टेशन येथेच बनसोडे यांचे कार्य़ालय आहे. (PCMC Police) नगरसेवक असल्यापासून ते सकाळी लोकांना भेटत असल्याचा त्यांचा उपक्रम आहे. त्यांच्या कार्यालयाजवळच या गोळ्या झाडण्यात आल्या. एकूण चार गोळ्या झाडल्याचे समजते आहे. त्या कोणालाही लागलेल्या नाहीत. याबाबत गुन्हा दाखल करण्याची प्रक्रिया उशिरापर्यंत सुरू होती. हा पवार स्थानिक नागरिकच असल्याचे समजते आहे. घटना घडल्यानंतर अनेक वरिष्ठ पोलिस अधिकाऱ्यांनी घटनास्थळी धाव घेतली. पिंपरी पोलिस ठाण्यात गुन्हा दाखल करण्याचे काम सुरू आहे. याबाबत पवार व बनसोडे यांचे नक्की काय संबंध होते, हे अद्याप स्पष्ट झाले नाही. बनसोडे यांचे अनेक व्यावसायिकांशी संबंध आहेत. ते पण पोलिस तपासून पाहत आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.