पुणे : पुणे शिक्षक मतदारसंघात महाविकास आघाडीचे उमेदवार जयंत आसगावकर यांनी 25 हजार 985 मते घेत विद्यमान आमदार तथा अपक्ष उमेदवार दत्तात्रेय सावंत यांचा 10 हजार 628 मतांनी पराभव केला. भाजपचे उमेदवार जितेंद्र पवार हे तिसऱ्या स्थानी होते. आसगावकर यांचे मताधिक्य पवार यांना मिळालेली जास्त आहे.
पुणे शिक्षक मतदारसंघात महाविकास आघाडीचे जयंत आसगावकर, भाजपचे जितेंद्र पवार, विद्यमान आमदार तथा अपक्ष उमेदवार दत्तात्रेय सावंत या प्रमुख उमेदवारांसह 35 जण निवडणुकीच्या रिंगणात होते. आसगावकर, पवार आणि सावंत यांच्यात मुख्य लढत होती.
आसगावकर यांनी पहिल्या फेरीपासूनच मताधिक्क्य घेतले होते. त्यांना भाजपचे पवार यांच्याऐवजी अपक्ष उमेदवार सावंत यांनीच लढत दिली. त्यामुळे आसगावकर यांना विजयासाठी पहिल्या पसंतीच्या मतांचा कोटा पूर्ण करता आला नाही. त्यामुळे 34 फेऱ्यापर्यंत मतमोजणी करावी लागली.
गुरुवारी (ता. 3 डिसेंबर) सुरू झालेली मतमोजणीत अखेर शुक्रवारी (ता. 4 डिसेंबर) सायंकाळी शेवटच्या 34 व्या फेरीत आसगावकर यांनी 25 हजार 985 मते घेऊन विजयाचा कोटा पूर्ण केला. आसगावकर यांनी 10 हजार 628 मतांनी विजय मिळवला.
पुणे शिक्षक मतदारसंघात विक्रमी 73.04 टक्के मतदान झाले होते. सुमारे 52 हजार 987 शिक्षकांनी मतदानाचा हक्क बजावला होता. त्यातील 50 हजार 226 मते वैध, तर 2 हजार 784 अवैध मत ठरली. विजयासाठी 25 हजार 114 मतांचा कोटा निश्चित करण्यात आला होता.
"माझ्या विजयात महाविकास आघाडीचे कार्यकर्ते, शिक्षक, संस्था, संघटना यांचा मोलाचा वाटा आहे. या सर्वांनी माझ्यावर विश्वास ठेवून मतदान केले. रयत शिक्षण संस्था, स्वामी विवेकानंद संस्था, पुणे जिल्हा शिक्षण मंडळ या संस्थांनी त्यांचे बहुमोल मत माझ्या पारड्यात टाकले,' असे जयंत आसगावकर यांनी विजयानंतर सांगितले.
प्रमुख उमेदवारांना पडलेली मते
जयंत आसगावकर | 25 हजार 985 |
दत्तात्रेय सावंत | 15 हजार 357 |
जितेंद्र पवार | 7 हजार 294 |
गोरखनाथ थोरात | 5 हजार 306 |
प्रकाश पाटील | 2 हजार 758 |
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.