पुणे पदवीधरमध्ये नीता ढमाले विजय होतील : कार्यकर्त्यांचा दावा 

एक सक्षम महिला उमेदवार म्हणून पदवीधरांचा मिळणारा प्रतिसाद पाहता त्या जायंट किलर ठरतील.
Nita Dhamale will win in Pune Graduation: Activists claim
Nita Dhamale will win in Pune Graduation: Activists claim

पुणे : पुणे पदवीधर मतदारसंघात आजपर्यंत एकदाही महिलेला प्रतिनिधित्व करण्याची संधी मिळाली नाही. या वेळी एक सक्षम महिला उमेदवार म्हणून पदवीधरांचा मिळणारा प्रतिसाद पाहता त्या जायंट किलर ठरतील, असा विश्‍वास त्यांचे समर्थक व्यक्त करीत आहेत. मतदारसंघातील पाचही जिल्ह्यांत ढमाले यांना तरुण मतदारांचा मिळणारा प्रतिसाद पाहता त्या विजयी होतील, असा दावा त्यांचे कार्यकर्ते करत आहेत. 

या मतदारसंघाच्या आजपर्यंतच्या इतिहासात एकदाही महिला उमेदवाराला कोणत्याही पक्षाने संधी दिलेली नाही. त्यामुळे या वेळी आपल्याला मिळणारा प्रतिसाद खूपच आशादायी असल्याचे ढमाले यांनी सांगितले. 

पुणे पदवीधर मतदारसंघात येणाऱ्या सर्व जिल्ह्यांना सर्व ऐतिहासिक आणि सामाजिक पार्श्वभूमी आहे. छत्रपती शिवाजी महाराजांचे स्वराज्य असो किंवा फुले-शाहू-आंबेडकरांचा पुरोगामी विचार असो, त्यामध्ये महिलांना नेहमीच सन्मानाचे स्थान मिळाले आहे. स्त्री शिक्षणाची सुरुवात असो किंवा पुणे विद्यापीठाला देण्यात आलेले सावित्रीबाई फुले यांचे नाव असो, सामाजिक क्रांतीची ही भूमी आहे. पश्‍चिम महाराष्ट्रातील प्रमुख नेत्यांनीही महिलांना राजकारणात प्राधान्य देण्याचा विचार केला आहे. 

पण, पदवीधर निवडणुकीच्या बाबतीत पुणे पदवीधर मतदारसंघात आजपर्यंत एकदाही महिलेला प्रतिनिधित्व करण्याची संधी मिळाली नाही, ही शोकांतिका आहे. यंदा मात्र पदवीधर मतदार आणि विशेषतः महिला पदवीधर मतदार या सगळ्या गोष्टींचा नक्की विचार करतील, अशी आपल्याला आशा असल्याचे ढमाले यांनी सांगितले. 

पदवीधरांमध्येही महिलांचे प्रमाण मोठे आहे. आज वेगवेगळ्या क्षेत्रात महिलांनी आपल्या क्षमतेच्या बळावर ठसा उमटविला आहे. त्यामुळे पुणे पदवीधर मतदारसंघात महिला उमेदवाराला संधी मिळाली, तर खऱ्या अर्थाने महिला सबलीकरणाचे एक चांगले उदाहरण म्हणून त्याकडे पाहता येईल. 

ढमाले म्हणाल्या, "पुणे पदवीधर मतदारसंघ मोठा आहे. पाच जिल्ह्यांचा मोठा भाग या मतदारसंघात येतो. मतदारांची संख्यादेखील मोठी आहे. या पाच जिल्ह्यांच्या परिसरात रोजगाराच्या अनेक संधी उपलब्ध आहेत. भविष्यातही मोठ्या संधी निर्माण होणार आहेत. या संधीची कवाडे महिलांसाठी मोठ्या प्रमाणात उपलब्ध होण्यासाठी आपण प्रयत्नशील राहणार आहोत.'' 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com