लसीकरणासाठी राष्ट्रवादीचे आमदार अण्णा बनसोडेंनी  दिले २५ लाख रूपये..

लसीच्या खरेदीसाठी अण्णा बनसोडे यांनी आपल्या आमदार निधीतून २५ लाख रुपयेदिले.
Sarkarnama Banner - 2021-05-08T093708.907.jpg
Sarkarnama Banner - 2021-05-08T093708.907.jpg

पिंपरी : कोरोना प्रतिबंधक लसीच्या खरेदीसाठी पिंपरीचे राष्ट्रवादीचे ncp आमदार अण्णा बनसोडे Anna Bansode यांनी आपल्या आमदार निधीतून २५ लाख रुपये काल (ता.७)  दिले. ही लस आपल्या मतदारसंघातील नागरिकांना द्यावी, याकरीता त्यांनी पुणे जिल्हाधिकारी डॉ. राजेश देशमुख Rajesh Deshmukhयांना पत्र दिले. लसीकरणासाठी आमदार निधी देणारे ते शहरातील पहिलेच आमदार आहेत. Anna Bansode gave 25 lac from his mla fund for covid vaxin 

मार्च महिन्यात बनसोडेंनी पिंपरी-चिंचवड पालिकेच्या वायसीएम रुग्णालयात सिटीस्कॅन यंत्र बसविण्यासाठी सव्वा कोट रुपये आपल्या आमदार निधीतून दिले आहेत. त्यामुळे कोरोना रुग्णांच्या सिटीस्कँन चाचण्या आता मोफत होणार आहेत. त्यांना आतापर्यंत बाराशे ते पाच हजार रुपये शुल्क त्यासाठी मोजावे लागत होते. याव्दारे HRCT SCORE किती आहे, हे कळते. त्यानुसार पुढील उपचारांची दिशा डॉक्टरांकडून ठरवली जाते. 

कोरोनाची प्रतिबंधक लस उपलब्ध होत नसल्याने पिंपरी-चिंचवड महापालिकेच्या लसीकरण मोहिमेला सध्या ब्रेक लागलेला आहे. बहूतांश लसीकरण केंद्रे बंद आहेत. १८ ते ४४ वयोगटात आहेत ती टोकन स्वरुपात सुरु आहेत. तेथे ऑनलाईन नोंदणी केलेल्या काही शेकडोजणांनाच  लस दिली जात आहे. १८ ते ४४ वयोगटाचे हे लसीकरण १ मे ला सुरु झाल्यावर लस व मनुष्यबळाचाही प्रश्न उभा राहण्याची भीती बनसोडे यांनी त्याअगोदर आठ दिवस वर्तवली होती. हा प्रश्न उभा राहणार असल्याने त्यांनी या मोहिमेचे योग्य नियोजन करण्याची सूचना पालिका आय़ुक्त राजेश पाटील यांना २३ एप्रिलला केली होती. ती १ मे लाच शंभर टक्के खरी ठरली. कारण पुरेशा लसीअभावी त्यादिवशी १८ ते ४४ चे लसीकरण सुरु, तर झाले. मात्र ४५ वर्षावरील ते बंद पडले. म्हणून आता आमदार बनसोडेंनी या समस्येवर उतारा म्हणून लस खरेदीसाठी  २५ लाख रुपये दिले आहेत. 

बनसोडे म्हणाले, माझा मतदारसंघ झोपडपट्यांचा आहे. तेथे हातावर पोट असलेला अशिक्षित कष्टकरी गरीबवर्ग राहतो आहे. त्यांना लसीकरणासाठी ऑनलाईन नोंदणी करता येत नाही. म्हणून त्यांना ही लस  थेट दिली जावी म्हणून हा निधी दिला आहे. दुसरं माझं आवाहन असं आहे की, ज्याप्रमाणे पंतप्रधान नरेंद्र मोदींच्या आवाहनानुसार घरगुती गॅसवरील सवलत (सबसिडी) ती परवडणाऱ्यांनी सोडली. त्याचे अनुकरण या लसीच्या बाबतीत होण्याची गरज आहे. त्यामुळे ही लस घेण्याची ऐपत असलेल्यांनी घ्यावी, लसीचे पैसे राज्य सरकारकडे जमा करावेत. त्यातून या लसीकरण मोहिमेला बळ मिळणार आहे.
Edited by : Mangesh Mahale

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com