भाजप उपमहापौरांविरोधात विरोधी पक्ष एकवटले 

शेतकरी आंदोलनाला चीन व पाकमधून रसद पुरवठा होत असल्याचे खळबळजनक वक्तव्यउपमहापौर केशव घोळवे यांनी​ केले होते.
All-party agitation against agricultural laws in Pimpri tomorrow
All-party agitation against agricultural laws in Pimpri tomorrow

पिंपरी : शेतकरी आंदोलनाच्या समर्थनार्थ उद्याच्या (ता. 14 डिसेंबर) भारत बंदला भाजप वगळता पिंपरी-चिंचवडमधील सर्व राजकीय पक्ष आणि कामगार संघटनांनी पाठिंबा दिला आहे. सहा दिवसांपूर्वी (ता. 8 डिसेंबर) याचप्रश्नी पुकारण्यात आलेल्या देशव्यापी बंदमध्येही ते सहभागी झाले होते. 

पिंपरी महापालिकेजवळील डॉ. बाबासाहेब आंबेडकर चौकात ता. 8 डिसेंबर रोजी समितीने निदर्शने केली होती. तर, उद्या सकाळी ते तहसीलदार कचेरीसमोर तर, त्यानंतर दुपारी महापालिकेसमोर आंदोलन करणार आहे. तहसीलदार आणि महापौरांना निवेदनही ते देणार आहेत. कोविडविषयक नियमांचे पालन करून या आंदोलनात सहभागी व्हावे, असे आवाहन आयोजकांच्या वतीने करण्यात आले आहे. 

मागच्या बंदच्या दिवशीच (ता. 8 डिसेंबर) झालेल्या पिंपरी-चिंचवड महापालिकेच्या सर्वसाधारण सभेत उपमहापौर केशव घोळवे यांनी दिल्लीच्या शेतकरी आंदोलनाला चीन व पाकमधून रसद पुरवठा होत असून त्यात भाडोत्री माणसे असल्याचे खळबळजनक वक्तव्य केले होते. त्यामुळे त्यांचाही निषेध करण्यासाठी उद्याचे आंदोलन केले जात असल्याचे सर्वपक्षीय पदाधिकारी व कामगार संघटना संयुक्त कृती समितीचे अध्यक्ष डॉ. कैलास कदम यांनी सांगितले. 

समितीच्या शनिवारी (ता. 12 डिसेंबर) झालेल्या बैठकीत हा निर्णय घेण्यात आला. समितीचे समन्वयक ज्येष्ठ नेते मानव कांबळे, ज्येष्ठ कामगार नेते अजित अभ्यंकर, दिलीप पवार, शिवसेनेचे शहरप्रमुख योगेश बाबर, माजी नगरसेवक मारुती भापकर, काशिनाथ नखाते , रोमी संधू, गणेश दराडे, धनाजी येळकर आदी या बैठकीला उपस्थित होते. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com