कसारा घाटात दरड कोसळली! रेल्वे सेवा विस्कळीत - Railway services disrupted due to heavy rains | Politics Marathi News - Sarkarnama

ब्रेकिंग न्यूज

मुख्यमंत्री उद्धव ठाकरे सांगलीकडे रवाना, पूरग्रस्त भागाची पाहणी करणार

कसारा घाटात दरड कोसळली! रेल्वे सेवा विस्कळीत

सरकारनामा ब्यूरो
गुरुवार, 22 जुलै 2021

काल रात्री सोलापूरहून मुंबईकडे निघालेली सिद्धेश्वर एक्सप्रेस आज सकाळी बदलापूर जवळ येऊन थांबली आहे.

लोणावळा : मुंबईसह ( Mumbai) राज्याच्या विविध भागात जोरदार पाऊस सुरु आहे. चार-पाच दिवसांपासून सुरू असलेल्या पावसामुळे अनेक ठिकाणी जनजीवन विस्कळीत झाले आहे. पावसाचा जोर कायम आहे. अनेक ठिकाणी दरड कोसळल्याच्या घटना घडल्या आहेत. दरड कोसळल्याने रेल्वे रुळाचे मोठे नुकसान झाले. जोरदार पावसाणुळे अंबरनाथ ते कर्जत, लोणावळा (heavy rains in Lonavla) दरम्यानची रेल्वे वाहतूक बंद करण्यात आली आहे. त्यामुळे अनेक लांब पल्ल्याच्या रेल्वे गाड्या रद्द करण्यात आल्या. (Railway services disrupted due to heavy rains) 

देखमुखांनी भाजपसाठी जे केले: ते भरणे राष्ट्रवादीसाठी करुन दाखवतील काय?

लोणावळा खंडाळा येथे देखील ढगफुटी सदृश्य पाऊस झाला असून तीन तासात 150 ते 175 मिलिमीटर पावसाची नोंद झाली आहे. अनेक घरांमध्ये पाणी घुसले असून काही ठिकाणी शेती पिके वाहून गेल्याने मोठ्या प्रमाणात नुकसान झाले आहे. तसेच दरड कोसळण्याच्याही घटना घडल्या आहेत. गेल्या दहा तासापासून मुंबई- नागपूर दुरांतो एक्सप्रेस इगतपुरी पासून 18 किलोमीटर आधी उभी आहे. त्यामुळे प्रवाशांचे मोठ्या प्रमाणात हाल होत आहेत. मुंबई-नाशिक रेल्वे मार्गावर बुधवारी रात्री १० च्या सुमारास कसारा घाटात दरड कोसळली आहे, त्यामुळे मुंबईहून नाशिककडे जाणाऱ्या गाड्या खोळंबल्या आहेत, दरड हटविण्याचे काम सुरु आहे, रात्री पावसाचा जोर कायम होता, त्यामुळे दरड हटविण्यात अडथळे येत होते. 

मध्य रेल्वेवरील टिटवाळा ते इगतपुरी आणि अंबरनाथ ते लोणावळा लोकलला सेवा ठप्प आहे. काल रात्री सोलापूरहून मुंबईकडे निघालेली सिद्धेश्वर एक्सप्रेस आज सकाळी बदलापूर जवळ येऊन थांबली आहे. रेल्वे मार्गावर पाच फुटापर्यंत पाणी असल्यामुळे गाडी थांबवण्यात आली आहे. मात्र, रेल्वे प्रशासनाच्या वतीने कोणत्याही सुचना नसल्यामुळे प्रवाशांचे मोठ्या प्रमाणात हाल होत आहेत.  

हेही वाचा : यशस्वी मुख्यमंत्री अन् सक्षम विरोधी पक्षनेता...

दरड कोसळल्यामुळे अनेक लांब पल्ल्याच्या गाड्या रद्द करण्यात आल्या आहेत. हवामान विभाने मुंबईसाठी ‘रेड अलर्ट’ जारी केला आहे. मुंबईत जोरदार पावसाचा अंदाज आहे. आधी मुंबईला ऑरेंज अलर्ट देण्यात आला होता, मात्र नंतर रेड अलर्ट देण्यात आला. मुंबईसह पुणे, पालघर, नाशिक, रायगड आणि विदर्भातील अनेक ठिकाणीही अतिवृष्टीचा इशारा देण्यात आला आहे. 

Edited By - Amol Jaybhaye

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख