मराठा आरक्षणाबाबत उद्धव ठाकरे व अशोक चव्हाणांवर विश्वास नाही?

मुख्यमंत्री उद्धव ठाकरे यांच्या सरकारच्या हलगर्जीपणामुळे मराठा आरक्षणाला स्थगिती मिळाली आहे. मुख्यमंत्रीठाकरे व माजी मुख्यमंत्रीअशोक चव्हाण यांनी मराठा समाजाची फसवणूक केली आहे.
मराठा आरक्षणाबाबत उद्धव ठाकरे व अशोक चव्हाणांवर विश्वास नाही?

नाशिक : मुख्यमंत्री उद्धव ठाकरे यांच्या सरकारच्या हलगर्जीपणामुळे मराठा आरक्षणाला स्थगिती मिळाली आहे. मुख्यमंत्री ठाकरे व माजी मुख्यमंत्री अशोक चव्हाण यांनी मराठा समाजाची फसवणूक केली आहे. आरक्षणाबाबत ते बोलतात वेगळे, करतात वेगळे. त्यामुळ त्यांच्यावर विश्वास वाटत नाही, असा  गंभीर आरोप शिवसंग्रामचे अध्यक्ष विनायक मेटे यांनी केला.

श्री. मेटे आपल्या कुटुंबियांना भेटण्यासाठी नाशिक येथे आले होते. यावेळी त्यांनी पत्रकारांशी चर्चा केली. ते म्हणाले, माजी मुख्यमंत्री अशोक चव्हाण निष्क्रिय आहेत. त्यामुळे शिवसेनेचे मंत्री एकनाथ शिंदे यांना समितीचे अध्यक्ष करावे, अशी माझी मागणी आहे. मराठा आरक्षण समन्वय समितीची पुढील दिशा स्पष्ट करतांना, त्यांनी नऊ संघटनांनी एकत्र येऊन मराठा समनव्य समिती स्थापन केल्याचे त्यांनी सांगितले. 

यावेळी ते म्हणाले, मुख्यमंत्री ठाकरे सरकारच्या हलगर्जीपणा आणि निष्काळजीपणामुळे मराठा आरक्षणाला स्थगिती मिळाली. त्यामुळे येत्या ६ ऑगस्टपासून महाराष्ट्रात मोठं आंदोलन करण्याचा निर्णय घेण्यात आलेला आहे. शासनाच्या बैठकीत सरकार म्हणते, की सर्व तयारी झालेली आहे. पण दुर्दैवाने शासनाचे वकील सांगतात, की आमची तयारी झालेली नाही. याचा अर्थ ठाकरे सरकार आणि अशोक चव्हाण सांगतात ते वेगळं आणि प्रत्यक्ष वागतात ते वेगळं आहे. त्यामुळे हे सरकार समाजाशी खोटं बोलत आहे, असा आरोप त्यांनी केला. अनुभवी वकिलांना बाजूला केले जात आहे. सरकार मधलेच काही लोक विरोधातील लोकांना मदत करत आहेत.

श्री. मेटे म्हणाले, समितीचे अध्यक्ष अशोक चव्हाण आरक्षणाचा अभ्यास करत नाहीत. ते आरक्षण प्रश्नी गंभीर नाहीत. निष्क्रिय असलेल्या श्री. चव्हाण यांना जबाबदारीतून मुक्त करावे. एकनाथ शिंदे यांच्याकडे ही जबाबदारी देण्यात यावी.मराठा आरक्षणाबाबत दोन दिवसांच विशेष अधिवेशन घेण्यात यावे. पन्नास टक्क्यांची मर्यादा तोडून ज्यांना आरक्षण दिल त्यांच्यासोबत मराठा आरक्षण एकत्रित करण्यात यावे, अशी मागणी राज्याने सर्वोच्च न्यायालयात करावी,

आरक्षणासाठी रस्त्यावर उतरणार
येत्या ६ ऑगस्टला जिल्हाधिकारी, प्रांत, तहसील कार्यालयांमध्ये निवेदन दिले जाईल. ७ ऑगस्टला राज्यातील सर्व आमदार, खासदारांना पत्र दिले जाईल. त्यानंतर लाखो लोकांनी सोशल मीडियाच्या माध्यमातून मुख्यमंत्र्यांना फोन करून मागणी करावी. ९ ऑगस्टला क्रांती दिनाच्या औचित्याने आंदोलन केले जाईल, असा इशारा त्यांनी दिला.
...
 

https://scontent-frt3-2.xx.fbcdn.net/v/t39.2365-6/12726927_460738097457654_855104592_n.png?_nc_cat=103&_nc_sid=ad8a9d&_nc_ohc=0lJVgWgftFsAX9BOsNo&_nc_ht=scontent-frt3-2.xx&oh=a520e152e3448fc2709f0f29e70474bd&oe=5F4CAA27

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com