अनिल परब यांच्यावर टाकलेला `आरटीओ`बाँब झाला फुस्स!

नाशिक : निलंबित मोटार वाहन निरीक्षक गजेंद्र पाटील यांनी केलेल्या तक्रारीनुसार (Suspended RTO inspector Gajendra Patil blaim corruption in Transfers) नाशिक पोलिस आयुक्तालयाच्या हद्दीत कुठल्याही प्रकारचा गुन्हा घडला नसल्याचा अहवाल (Inquiry report submitted that crime is not took place in nashik limit) नाशिकचे पोलिस आयुक्त दीपक पांडे (Deepak Pandey) यांनी पोलिस महासंचालकांकडे सादर केला आहे. निलंबित पाटील यांनी परिवहनमंत्री अनिल परब यांच्यासंदर्भात केलेल्या आरोपांमध्ये कुठलेही तथ्य नसल्याचे यातून स्पष्ट झाले.

प्रादेशिक परिवहन विभागातील निलंबित मोटार वाहन निरीक्षक गजेंद्र पाटील यांनी विभागात होत असलेल्या अधिकाऱ्यांचा मनमानी कारभार, बदल्यांमधील आर्थिक व्यवहार, अनियमितता याबाबत पोलिस आयुक्त दीपक पांडे यांच्याकडे तक्रारी अर्ज केला होता. या अर्जाची दखल घेत पोलिस आयुक्त पांडे यांनी उपायुक्त बारकुंड यांना या तक्रार अर्जावरून चौकशी करीत अहवाल सादर करण्याच्या सूचना केल्या होत्या.

चौकशीच्या अनुषंगाने श्री. बारकुंड यांनी गजेंद्र पाटील यांचा जबाब नोंदविला. या वेळी पाटील यांनी केलेल्या तक्रारीवरून श्री. बारकुंड यांनी राज्यातील परिवहन प्रादेशिक परिवहन विभागाचे आयुक्त, उपसचिव, प्रादेशिक परिवहन अधिकारी, पोलिस उपनिरीक्षक यांच्यासह अकरा जणांचे जबाब नोंदविले.

या तक्रारीची व्याप्ती पाहता चौकशी अहवाल सादर करण्यास श्री. बारकुंड यांना दोन वेळा मुदतवाढ देण्यात आली होती. अधिकाऱ्यांच्या जबाबात तपासी पथकाने पोलिस आयुक्तालयात सादर कागदपत्रांची शहानिशा केली. अखेर या प्रकरणात चौकशी करून श्री. बारकुंड यांनी पोलिस आयुक्त दीपक पांडे यांच्याकडे अहवाल सादर केला. निलंबित मोटार वाहन निरीक्षक गजेंद्र पाटील यांनी केलेल्या तक्रारीनुसार नाशिक पोलिस आयुक्तालयाच्या हद्दीत असा कुठल्याही प्रकारचा गुन्हा घडला नसल्याचे अहवालात नमूद केले आहे.
....

हेही वाचा...

दादा भुसे म्हणाले, टाळूवरचे लोणी खाणाऱ्यांना बाजूला करा!