नाशिक : शहरातील महापालिकेच्या मोक्याच्या जागा बिल्डरांच्या घशात घालण्याचा प्रयत्न केल्यास भाजपला सडेतोड उत्तर दिले जाईल, (IF Bjp transfers prime location 11 polts to builders MNS will Protest) असा इशारा मनसेचे नगरसेवक सलीम शेख (Salim Shaikh) यांनी दिला.
महापालिका आयुक्त कैलास जाधव यांना त्यांनी निवेदन दिले. महापालिकेच्या मोक्याच्या जागा बीओटी तत्त्वावर विकसित करण्याचा विषय महासभेवर कुठलीही चर्चा न करता मंजूर करण्यात आला. या विषयावर नगरसेवकांचे मत जाणून घेणे गरजेचे होते. मात्र, सत्ताधारी भाजपने हा प्रस्ताव जादा विषयात घुसून रेटून नेला. मोक्याच्या जागा बिल्डरांच्या घशात घालण्याचा सत्तारूढ भाजपचा कुटिल हेतू आहे. भाजपच्या या भूमिकेमुळे महापालिकेच्या हिताला बाधा पोचत आहे.
शहराच्या विकासाला आकार देणाऱ्या मिळकती खासगी बिल्डरांच्या घशात घालण्याचा प्रयत्न झाल्यास शहराला बकाल स्वरूप आल्याशिवाय राहणार नाही. त्यामुळे महापालिकेच्या मिळकती बीओटीवर विकसित करण्यास तीव्र विरोध आहे. तसे झाल्यास तीव्र आंदोलन छेडले जाईल, असा इशारा सलीम शेख यांनी दिला. भाजपचा हा प्रयत्न महाराष्ट्र नवनिर्माण सेना कदापि यशस्वी होऊ देणार नाही, असा इशारा त्यांनी निवेदनात दिला.
...
हेही वाचा...
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.