आमदाराने पाठलाग करून पकडला अवैध गुटख्याचा ट्रक..

चाळीसगाव : मेहुणबारे (ता. चाळीसगाव) हद्दीत गुटखा असलेला ट्रक चाळीसगावचे आमदार मंगेश चव्हाण यांनी पकडला..पोलिसांकडे तक्रार केली. पण पोलिसांनी तक्रार घेतली नाही. यावरून बेकायदा व्यावसायिक आणि वरिष्ठ अधिकारी यांचे हितसंबध कसे आहेत, हे स्पष्ट होते.  या ट्रक वरील संपूर्ण अवैध गुटख्याची तपासणी करावी, संबंधित गुटखा मालक व्यक्तींवर चौकशी करून कारवाई करावी अशी मागणी आमदार चव्हाण यांनी केली आहे. चाळीसगावमधून गुटखा, गांजा राज्यात पुरविला जातो. अवैध व्यावसायिकांवर पोलिसांचा आर्शीवाद असल्याने त्यांच्यावर कारवाई पोलिस करीत नाही, असा आरोप आमदार मंगेश चव्हाण यांनी केला आहे.  

याबाबत पत्रकारांना माहिती देताना आमदार मंगेश चव्हाण म्हणाले की या प्रकरणी मी पोलिसांकडे तक्रार केली. पण माझी तक्रार पोलिसांनी घेतली नाही. याबाबत उच्च न्यायालयात मी दाद मागणार आहे. मेहुणबारे येथे स्थानिक गुन्हे शाखेच्या पथकाने सुमारे पन्नास लाखाचा गुटखा घेऊन जाणारा ट्रक (एमएच १८-एम ०५५३) पकडला. वरिष्टांच्या आदेशानुसार हा ट्रक जळगाव येथे आणत मी त्याचा पाठलाग करून हा ट्रक शिरसोली येथील जैन व्हॅली येथे पहाटे चार वाजता  पकडला. या ट्रक वरील संपूर्ण अवैध गुटख्याची तपासणी करावी, संबंधित गुटखा मालक व्यक्तींवर चौकशी करून कारवाई करावी.  

हा ट्रक मेहुणबारे पोलिसांनी का सोडला त्या पोलीस ठाण्यात गुन्हा का दाखल केला नाही ? यावरून गुन्हे शाखेच्या पोलीस, जिल्हा पेठ पोलिस निरीक्षक पटेल यांना विचारला असता. त्यांनी उडवाउडवीची उत्तरे दिली. तीन तास वाद चालला झाला. यानंतर पोलीस अधीक्षक डॉ. प्रविण मुढे यांच्या सुचनेनुसार अखेर ट्रक जळगाव जिल्हापेठ पोलिस ठाण्याच्या आवारामध्ये आणण्यात आला. पोलिसांचे चाळीसगाव मधील अवैध धंदे वाल्यांना अभय आहे. युवा पिढी गुटखा, गांजाच्या विळख्यात अडकत आहे. मी त्यांना यातून बाहेर काढण्याचा प्रयत्न करतो. मात्र, पोलिस अवैध धंदे वाल्यांना पाठीशी घालत आहे. मी दिलेली फिर्यादही घेतली नाही. लोकप्रतिनिधीला अशा प्रकारे वागणूक देणारे अधिकारी, कर्मचाऱ्यांविरोधात उच्च न्यायालयात मी दाद मागणार असल्याचे आमदार मंगेश चव्हाण यांनी सांगितले.