लग्न समारंभ करा, मात्र नियमांचेही पालन करूनच! 

जानेवारी महिन्यात नियंत्रणात आलेल्या कोरोना संसर्गाने मार्च महिन्यात उच्चांकी पातळी गाठण्यामागे लग्न समारंभांना होणारी गर्दी कारणीभूत ठरली. या पार्श्‍वभूमीवर लग्न समारंभ, दुकाने सुरू करताना शासनाच्या मार्गदर्शक सूचनांचे पालन करा, अन्यथा दंडात्मक कारवाईला सामोरे जा असा इशारा महापालिका आयुक्त कैलास जाधव यांनी दिला.
Kailas Jadhav
Kailas Jadhav

नाशिक जानेवारी महिन्यात नियंत्रणात आलेल्या कोरोना संसर्गाने मार्च महिन्यात उच्चांकी पातळी (Covid19 was highest in March) गाठण्यामागे लग्न समारंभांना होणारी गर्दी कारणीभूत ठरली. (Crowd was responsible for that)  या पार्श्‍वभूमीवर लग्न समारंभ, दुकाने सुरू करताना शासनाच्या मार्गदर्शक सूचनांचे पालन करा, अन्यथा दंडात्मक कारवाईला सामोरे जा असा इशारा महापालिका आयुक्त कैलास जाधव (Commissioner Kailas Jadhav) यांनी दिला. 

शासन निर्णयानुसार लग्नसमारंभ सोमवार ते शुक्रवार या कालावधीत जास्तीत- जास्त ५० व्यक्तींच्या उपस्थित करण्यास परवानगी देण्यात आली आहे. समारंभ करण्यासाठी महापालिकेचे विभागीय अधिकारी, स्थानिक पोलिस स्टेशनकडून कार्यालय, लॉन्स धारकांना परवानगी घेणे आवश्यक आहे. त्यासाठी कमीत-कमी तीन दिवस अगोदर वधू-वर पक्षाने संबंधित महापालिकेच्या विभागीय अधिकाऱ्यांना रीतसर माहिती कळविणे बंधनकारक आहे.

परवानगी आदेशाचे प्रथम उल्लंघन झाल्याचे पोलिसांकडून लॉन्स धारकांवर वीस हजार रुपये, वधू-वर पक्षावर प्रत्येकी दहा हजार, असे चाळीस हजार रुपयांची दंडात्मक कारवाई केली जाणार आहे. दुसऱ्यांदा उल्लंघन झाल्यास कोविड अधिसूचना रद्द होईपर्यंत सीलबंद कार्यवाही होईल.

अत्यावश्यक सेवेतील वैद्यकीय सेवा, मेडिकल दुकाने, दूध, वृत्तपत्रे विक्री, भाजीपाला व फळांचे दुकाने शासन निर्देशांचे पालन करून सायंकाळी ४ पर्यंत आठवडाभर सुरू राहतील. इतर दुकाने व आस्थापना सोमवार ते शुक्रवार या दरम्यान सांयकाळी चारपर्यंत सुरू राहतील. गर्दीचे विकेंद्रीकरण करून शारीरिक अंतराचे पालन करणे, मास्क परिधान करणे, सॅनिटायझरचा वापर करणे अनिवार्य आहे. दुकानदारांकडून प्रथम उल्लंघन झाल्यास पाच हजार रुपये व ग्राहकाला एक हजार रुपये दंड, दुसऱ्यांदा उल्लंघन झाल्यास कोविड अधिसूचना रद्द होईपर्यंत सील बंदची कार्यवाही होईल. 
...
हेही वाचा...

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in