जळगाव : लेक आहे, तर लेकीनेही बापाच्या हद्दीत रहावे, (Daughter should not cross the limit of Father) असा टोला राज्याचे पाणी पुरवठा मंत्री, शिवसेना नेते गुलाबराव पाटील (Gulabrao Patil) यांनी भाजप खासदार रक्षा खडसे (Raksha Khadse) यांना लगावला आहे.
केळी पीक विमा योजनेचे निकष सरकारने बदलले. याचे श्रेय घेण्यावरून राज्याचे पाणी पुरवठा मंत्री गुलाबराव पाटील आणि भारतीय जनता पक्षाच्या खासदार रक्षा खडसे यांच्यात शाब्दीक शरसंधान झाले होते. त्यात दोघांकडूनही राजकीय आरोप-प्रत्यारोप झाल्याने वाद निर्माण झाला होता. खासदार खडसे यांनी हे निकष केंद्रातील भाजप सरकारने बदलले असा दावा केला होता. मंत्री गुलाबराव पाटील यांनी मात्र हे निकष राज्य सरकारमुळे शेतकऱ्यांच्या हिताच्या दृष्टीने बदलण्यात आले, असा दावा केला होता.
यासंदर्भात श्री. पाटील यांनी, `जिथे लग्न दिसले, तिथे बाजा वाजविण्यास रक्षा खडसे हजर होतात` असा टोला लगावला होता. यावर खासदार खडसे यांनी गुलाबराव पाटील मला वडीलांसरखे आहेत. त्यांनी लेकीवर टीका न करता तीच्या कामाचे कौतुक करावे, असे शैलीदार उत्तर दिले होते.
यासंदर्भात श्री. पाटील यांच्याशी संपर्क केल्यावर, त्याला उत्तर देताना आज ते म्हणाले, `लेक आहे, तर लेक आहेच. तीने बापाच्या कामाचा विचार करावा. लेकीने बापाच्या हद्दीत रहावे` असे म्हटले.
...
हेही वाचा...
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.