नाशिक : केंद्रीय औद्योगिक सुरक्ष बलाची अत्यंत कडक सुरक्षा असलेल्या नोट छपाई कारखान्यातून ५ लाखांच्या नोटांची चोरी झाली आहे. (Five lacs notes theft from high security CNP of Nashik) त्यामुळे खळबळ उडाली आहे. नोटा आणि सुरक्षा व्यवस्था दोघांचा आढावा घेण्याचे काम रात्रंदिवस सुरु झाले आहे. (Security agencies taking review of lapses) अद्याप याबाबत काहीच धागेदोरे न मिळाल्याने प्रशासनाच्या चिंता वाढल्या आहेत.
भारत सरकारच्या अर्थ मंत्रालयाच्या नियंत्रणातील येथील चलार्थ पत्र मुद्रणालयात चोरी झाली आहे. चलनी नोटा छपाईच्या चलार्थपत्र मुद्रणालयातील सुरक्षाव्यवस्था भेदून त्यातून सुमारे पाच लाखांच्या नोटा गायब केल्याचा धक्कादायक प्रकार उजेडात आला आहे. या घटनेने मुद्रणालयात खळबळ उडाली आहे.
चलार्थपत्र मुद्रणालयातील नोटा छपाईच्या कारखान्यातील या गहाळ नोटांबाबत काही दिवसांपासून गोपनीयरीत्या चौकशी सुरू असलेल्या या प्रकारणी सोमवारी मुद्रणालयातील अधिकारी उपनगर पोलिस ठाण्यात पोचले तेव्हा वाचा फुटली. यात उशिरापर्यत पोलिसांत गुन्हा दाखल झालेला नव्हता.
चलार्थपत्र मुद्रणालयात देशाचे चलन छापले जाते. वर्षासाठी दोन ते अडीच हजार दशलक्ष नोटा छपाई करणाऱ्या या कारखान्याने नोट छपाईचे अनेक उच्चांक केले आहेत. देशातील नोटाबंदीनंतर उद्‌भवलेल्या चलनटंचाईच्या काळात दिवसरात्र काम करून ज्या कारखान्याने देशाची कौतुकाची शाबासकी मिळविली त्याच मुद्रणालयात चोरीचा धक्कादायक प्रकार पुढे आल्याने प्रेसच्या लौकिकाला धक्का बसला आहे. दरम्यान, हा विषय आर्थिक सुरक्षेशी संबंधित असल्याने मुद्रणालय प्रशासकीय यंत्रणेसोबत पोलिस विभागानेही मौन बाळगले आहे.
....
हेही वाचा...
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.