एकनाथ खडसे समर्थक आमदारांवर नाशिक मध्ये ‘वॉच' ? - BJp`s watch on Khadse supporter MLAs | Politics Marathi News - Sarkarnama

एकनाथ खडसे समर्थक आमदारांवर नाशिक मध्ये ‘वॉच' ?

सरकारनामा ब्युरो
गुरुवार, 24 सप्टेंबर 2020

भाजपचे जेष्ठ नेते, माजी मंत्री एकनाथ खडसे राष्ट्रवादी कॉंग्रेसच्या वाटेवर असल्याच्या चर्चा जोरात आहे. त्यावर भारतीय जनता पक्षात अद्याप प्रतिक्रिया उमटली नाही. मात्र या पार्श्‍वभूमीवर जिल्ह्यातील काही आमदारांवर भाजपकडून ‘वॉच' ठेवला जात असल्याचे बोलले जाते.

नाशिक : भाजपचे जेष्ठ नेते, माजी मंत्री एकनाथ खडसे राष्ट्रवादी कॉंग्रेसच्या वाटेवर असल्याच्या चर्चा जोरात आहे. त्यावर भारतीय जनता पक्षात अद्याप प्रतिक्रिया उमटली नाही. मात्र श्री. खडसे यांच्या बरोबर काही आमदार पक्ष सोडणार  असल्याची चर्चा आहे. या पार्श्‍वभूमीवर जिल्ह्यातील काही आमदारांवर भाजप कडून ‘वॉच' ठेवला जात असल्याचे बोलले जाते. 

एकनाथ खडसेंनी पक्ष सोडला, तर त्यांच्यासोबर एकही आमदाराने जाऊ नये यासाठी फिल्डींग लावली जात असल्याचे भाजपच्या एका ज्येष्ठ नेत्याने खाजगीत सांगितले. राज्यात भाजपची सत्ता असताना एकनाथ खडसे यांच्याकडे मंत्रीमंडळातील दुसया क्रमांकाचे महसुल हे खाते होते. त्याचबरोबर अन्य खाती त्यांच्याकडे असल्याने मुख्यमंत्री झाले नाही, तरी प्रबळ मंत्री म्हणून त्यांच्याकडे पाहिले जात होते. हे त्यांच्या विरोधकांना खटकत होते. त्यातुनच कालांतराने भोसरी भुखंड व्यवहाराच्या निमित्ताने त्यांना मंत्रीपदाचा राजीनामा द्यावा लागला.

श्री. खडसे यांना भाजप मधून धक्का देण्याचे राजकीय तंत्र एवढ्यावरचं थांबले नाही. विधानपरिषद, विधानसभा निवडणुकीत त्यांना पराभवाचे धक्के बसले. जळगाव मधील स्थानिक स्वराज्य संस्थांवरील त्यांची पकड ढीली करण्यासाठी सर्वोतोपरी प्रयत्न झाल्याचे खुद्द खडसे यांनी अनेकदा सांगितले. राज्य पातळीवर देखील संघटनेत त्यांना स्थान दिले नाही. त्यामुळे दर दोन, चार महिन्यांनी खडसे नाराजी व्यक्त करतं राहीले. मध्यंतरीच्या काळात माजी मुख्यमंत्री देवेंद्र फडणवीस यांनाचं त्यांनी लक्ष केले. त्यानंतर खडसे आता पक्ष सोडणार अशी चर्चा सुरु झाली. 

दोन दिवसांपुर्वी राष्ट्रवादी कॉंग्रेसचे प्रदेशाध्यक्ष व जलसंपदा मंत्री जयंत पाटील हे जळगाव खडसे यांची भेट घेण्यासाठी जाणार असल्याची चर्चा सुरु झाली होती. परंतू बुधवारी मुंबईतचं त्यांनी बैठक घेतली. बैठकीच्या निमित्ताने खडसे यांचा राष्ट्रवादी प्रवेश निश्‍चित झाल्याची चर्चा सुरु झाली. त्याला खडसे यांनी अद्याप दुजोरा दिलेला नाही. 

फार्म हाऊस भेटीनंतर आमदार नजरकैदेत? 
खडसे भाजपला रामराम ठोकणार व सोबत भाजपचे काही आमदार त्यांच्यासोबत जाणार ही चर्चा आहे. त्यामुळे खडसे यांच्याबरोबर कोण जाणार याबाबत तर्कवितर्क लढविले जात आहेत. नाशिकमध्ये खडसे समर्थक आमदार कोण? याचा शोध घेतला जात आहे. आमदारांवर कार्यकर्त्यांकडून नजर ठेवली जात आहे. आणदारांच्या हालचालींवर बारीक लक्ष ठेवले जात असल्याची माहिती समोर आली आहे. कोरोना प्रादुर्भावापुर्वी शहरातील भाजपच्या एका आमदाराने खडसे यांच्या मुक्ताई नगर येथील फार्म हाऊसवर भेट घेतली होती. त्यातूनच आमदारांच्या नजरकैदेचा मुद्दा समोर आला आहे. 
...
 

https://scontent-sin6-2.xx.fbcdn.net/v/t39.2365-6/12726927_4607380974576...

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख