भाजपच्या सर्वात युवा नगरसेविका प्रियंका घाटे विवाहबद्ध

नाशिक महापालिकेतील भारतीय जनता पक्षाच्या सर्वात युवा नगरसेविका प्रियंका घाटे काल मुंबईतील इलेक्ट्रीकल इंजिनीअर अतुल जगताप यांच्याशी विवाहबद्ध झाल्या. हा विवाह सोशल मिडीयावर विशेष चर्चेचा विषय ठरला.
भाजपच्या सर्वात युवा नगरसेविका प्रियंका घाटे विवाहबद्ध

नाशिक : भारतीय जनता पक्षाच्या येथील सर्वात युवा नगरसेविका प्रियंका किशोर घाटे या काल मुंबईतील इलेक्‍ट्रीकल इंजिनीअर अतुल भागवत जगताप यांच्याशी विवाहबद्ध झाल्या. कोरोनाच्या पार्श्‍वभूमीवर सोशल डिस्टन्स व अन्य बंधने पाळून मोजक्‍या उपस्थितीत हा विवाह झाला. यावेळी महापालिकेतील विविध पदाधिकारी तसेच नेत्यांनी त्यांना शुभेच्छा दिल्या. 

नाशिक महानगरपालिकेच्या 2017 मध्ये झालेल्या निवडणूकीत भारतीय जनता पक्षाच्या उमेदवार म्हणून प्रियंका किशोर घाटे निवडून आल्या होत्या. तेव्हा त्यांचे वय अवघे एकवीस वर्षे होते. त्यामुळे महापालिकेतील त्या सर्वात युवा नगरसेविका म्हणून चर्चेत आल्या. युवा असुनही त्यांनी विविध विषयांचा अभ्यास व नागरी समस्यांचा पाठपुरावा करुन कामकाजात आपली छाप पाडली होती. एम. ए. हे पदव्युत्तर शिक्षण असलेल्या प्रियंका यांनी शहराच्या विविध प्रश्‍नांवर प्रशासनाकडे पाठपुरावा केला होता.

रिपब्लिकन पार्टी ऑफ इंडियाचे नेते किशोर घाटे यांच्या त्या कन्या होत्या. कुटुंबीय व आप्तेष्टांच्या उपस्थितीत मुंबईतील नियोजित वर इंजिनिअर अतुल भागवत जगताप यांच्याशी त्यांचा नियोजीत विवाह झाला. श्री. जगताप मुंबईत खाजगी कंपनीत अभियंता म्हणून नोकरी करतात. शहरतील सर्वात युवा नगरसेविका म्हणून त्या सातत्याने चर्चेत होत्या. त्यांच्या विवाहाला अनेकांनी हजेरी लावली. त्यांचे वडील श्री. किशोर घाटे हे शहरातील आक्रमक नेते म्हणून परिचीत आहेत. त्यांनी यापूर्वीही पक्षातर्फे महापालिकेच्या निवडणूकीत उमेदवारी केली होती. मात्र त्यांना यश मिळाले नाही. 2017 मध्ये बहुसदस्यीय प्रभागात भाजपमध्ये प्रवेश करुन त्यांची कन्या मात्र नगरसेविका झाली. राजकारणात स्थिरस्थावर होतानांचा त्यांचा विवाह झाला. हा विवाह सोशल मिडीयावर चर्चेत होता. 
... 
 

https://scontent.fdel1-3.fna.fbcdn.net/v/t39.2365-6/12726927_460738097457654_855104592_n.png?_nc_cat=103&_nc_sid=ad8a9d&_nc_ohc=2c4LnSiSfOQAX-9ySI2&_nc_ht=scontent.fdel1-3.fna&oh=a527076918170e4ed7c0c2aad599332b&oe=5F2128A7

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com