बायको महापौर तर नवरा विरोधी पक्ष नेता; महापालिकेत अनोखे राजकारण  - In Jalgaon Municipal Corporation, the wife is the mayor and the husband is the Leader of Opposition | Politics Marathi News - Sarkarnama

ब्रेकिंग न्यूज

खासदार संभाजीराजे छत्रपती यांनी मराठा समाजासाठी केलेल्या मागण्या मान्य करण्याची राज्य सरकारची तयारी
मुख्यमंत्री उद्धव ठाकरे व खासदार संभाजीराजे छत्रपती यांची उद्या (17 जून) पाच वाजता वर्षा निवासस्थानी महत्वपूर्ण बैठक
कोल्हापूर : खासदार संभाजीराजे यांच्या नेतृत्वाखाली मराठा आरक्षणासाठी मूक आंदोलनास सुरवात

बायको महापौर तर नवरा विरोधी पक्ष नेता; महापालिकेत अनोखे राजकारण 

सरकारनामा ब्यूरो
मंगळवार, 11 मे 2021

शिवसेनेने आता भारतीय जनता पक्षाला पूर्णपणे घेरण्याची तयारी सुरू केली आहे.

जळगाव : महानगरपालिकेला नवरा, बायको दोघे शिवसेनेतर्फे (Shiv Sena) निवडून आले आहेत. आताही दोघे शिवसेनेत आहेत. पण बायको शिवसेनेची महापौर तर नवरा शिवसेनेचाच विरोधी पक्ष नेता आहे. जळगाव महापालिकेतील अनोख्या राजकारणाची पहिली महासभा उद्या ( ता.१२) मेला होणार आहे. (In Jalgaon Municipal Corporation, the wife is the mayor and the husband is the Leader of Opposition)

जळगाव महापालिकेत नुकतेच सत्तांतर झाले भारतीय जनता पक्षाचे (BJP) नगरसेवक फोडून शिवसेनेने सत्ता मिळवली. यात शिवसेनेच्या जयश्री महाजन (Jayshree Mahajan) या महापौर झाल्या. महापालिकेत विरोधी पक्ष नेते पद शिवसेनेकडे होते. महाजन यांचे पती सुनील महाजन विरोधी पक्ष नेते होते ते आजही आहेत. त्यामुळे एकाच घरात महापालिकेतील महापौर आणि विरोधी पक्षनेता ही दोन्ही पदे आहेत.

हे ही वाचा : पुण्यातील लॅाकडाऊन कधी संपणार? याचे उत्तर आहे या आकड्यात!

जळगाव महापालिकेत २०१८ मध्ये झालेल्या निवडणुकीत ७५ जागांपैकी भारतीय जनता पक्षाला ५७ जागा मिळाल्या होत्या, तर शिवसेनेला १५ आणि एमआयएम पक्षाला तीन जागा मिळाल्या, त्यामुळे भाजप सत्ताधारी तर शिवसेना विरोधी पक्ष होता. अडीच वर्षांनी महिला राखीव असलेल्या महापौर पदासाठी निवडणूक लागली अन याच ठिकाणी मोठे उलटफेर झाले. भाजपचे तब्बल ३० नगरसेवक फुटले तर एमआयएमने ही शिवसेनेला पाठिंबा दिला आणि शिवसेनेकडे सत्ता आली.

शिवसेनेचे विरोधी पक्ष नेते सुनील महाजन यांच्या पत्नी महापौर झाल्या. तर तांत्रिक बाबीत शिवसेनेकडे विरोधी पक्ष नेते पद आहे, त्यामुळे सुनील महाजन हेच विरोधी पक्ष नेते आहेत. सत्तांतर झाल्यानंतर जळगाव महापालिकेची पहिली महासभा ऑनलाईन उद्या होणार आहे. पत्नी महापौर जयश्री महाजन व्यासपिठावर असतील तर पती सुनील महाजन विरोधी पक्षनेते असतील. भारतीय जनता पक्षाने आद्यापही विरोधी पक्ष नेते पदाचा दावा केलेला नाही.

हे ही वाचा : पोटनिवडणुकीत कोरोना होऊन शिक्षकासह चौघांना गमावलेल्या माने कुटुंबीयांस फडणवीसांचा फोन
 

शिवसेना महासभेत घेरणार हे विषय 

शिवसेनेने आता भारतीय जनता पक्षाला पूर्णपणे घेरण्याची तयारी सुरू केली आहे. उद्याच्या महासभेत घरकुल प्रकरणात दोषी असलेल्या भाजपच्या पाच नगरसेवकांना अपात्र ठरविण्याचा प्रस्ताव देण्यात आला आहे. तसेच, गेल्या अनेक वर्षांपासून प्रलंबित असलेल्या महापालिका व्यापारी संकुलातील गळ्यांचा प्रश्न निकाली काढून भाजपला शह देण्याची खेळी शिवसेना करु शकते. तसेच, शिवसेनेच्या नगरसेवकाच्या प्रभागात अधिक निधी विकासाला देऊन भाजपची कोंडी करण्यात येणार आहे, असल्याने उद्याची सभा ही वादळी होणार असल्याचे सांगितले जात आहे.

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख