ऑनलाईन सभा सुरू असताना भाजप नगरसेवकांनी थेट सभागृहात येऊन घातला गोंधळ : पहा व्हिडीअो - Confusion in the general meeting of Jalgaon Municipal Corporation | Politics Marathi News - Sarkarnama

ब्रेकिंग न्यूज

खासदार संभाजीराजे छत्रपती यांनी मराठा समाजासाठी केलेल्या मागण्या मान्य करण्याची राज्य सरकारची तयारी
मुख्यमंत्री उद्धव ठाकरे व खासदार संभाजीराजे छत्रपती यांची उद्या (17 जून) पाच वाजता वर्षा निवासस्थानी महत्वपूर्ण बैठक

ऑनलाईन सभा सुरू असताना भाजप नगरसेवकांनी थेट सभागृहात येऊन घातला गोंधळ : पहा व्हिडीअो

सरकारनामा ब्यूरो
बुधवार, 12 मे 2021

गाळे प्रश्नावर थेट सभागृहात येवून भाजप नगरसेवकांनी गोंधळ घातला त्यामुळे ऑनलाईन सभेचा फज्जा उडाला.

जळगाव : जळगाव महापालिकेची (Municipal Corporation) आज ऑनलाईन महासभा आयोजित करण्यात आली आहे. गाळे प्रश्नावर थेट सभागृहात येवून भाजप नगरसेवकांनी गोंधळ घातला त्यामुळे ऑनलाईन सभेचा फज्जा उडाला. (Confusion in the general meeting of Jalgaon Municipal Corporation)

जळगाव महापालिकेत गेल्या महिन्यात सत्तांतर झाले, भाजपचे (BJP) सदस्य फोडून शिवसेनेने (Shiv Sena) सत्ता मिळवली. या नंतर आज पहिलीच ऑनलाईन महासभा आयोजित करण्यात आली होती. महापौर जयश्री महाजन यांच्या अध्यक्षेखाली ही सभा सुरू झाली. त्यावेळी गाळे धारकांच्या प्रस्नावावर भाजप सदस्य आक्रमक झाले, भाजप सदस्य कैलास सोनवणे, गटनेते भगत बालानी यांच्यासह काही सदस्य थेट सभगृहात आले व त्यांनी गोंधळ सुरू केला, त्यावेळी महापौर जयश्री महाजन यांनी त्यांना बाहेर जाण्याच्या सूचना केल्या त्यामुळे गोंधळ अधिकच वाढला. भाजपच्या सदस्यांनी गोंधळ घातल्यामुळे सभागृहात शिवसेना आणि भाजपच्या सदस्यांमध्ये शाब्दिक चकमक झाली.

हे ही वाचा : तव्येतीची विचारपूस केली अन् अमरसिंहांनी जिल्ह्याच दुखणंही पवारांच्या कानी घातलं...

दरम्यान, जळगाव महापालिकेत नुकतेच सत्तांतर झाले भारतीय जनता पक्षाचे (BJP) नगरसेवक फोडून शिवसेनेने सत्ता मिळवली. यात शिवसेनेच्या जयश्री महाजन (Jayshree Mahajan) या महापौर झाल्या. महापालिकेत विरोधी पक्ष नेते पद शिवसेनेकडे होते. महाजन यांचे पती सुनील महाजन विरोधी पक्ष नेते होते ते आजही आहेत. त्यामुळे एकाच घरात महापालिकेतील महापौर आणि विरोधी पक्षनेता ही दोन्ही पदे आहेत. 

 जळगाव महापालिकेत २०१८ मध्ये झालेल्या निवडणुकीत ७५ जागांपैकी भारतीय जनता पक्षाला ५७ जागा मिळाल्या होत्या, तर शिवसेनेला १५ आणि एमआयएम पक्षाला तीन जागा मिळाल्या, त्यामुळे भाजप सत्ताधारी तर शिवसेना विरोधी पक्ष होता. अडीच वर्षांनी महिला राखीव असलेल्या महापौर पदासाठी निवडणूक लागली अन याच ठिकाणी मोठे उलटफेर झाले. भाजपचे तब्बल ३० नगरसेवक फुटले तर एमआयएमने ही शिवसेनेला पाठिंबा दिला आणि शिवसेनेकडे सत्ता आली.

हे ही वाचा : चंद्रकांतदादांची माया कुठंय ते मला माहितीय; हसन मुश्रीफांचा इशारा
 

शिवसेनेचे विरोधी पक्ष नेते सुनील महाजन यांच्या पत्नी महापौर झाल्या. तर तांत्रिक बाबीत शिवसेनेकडे विरोधी पक्ष नेते पद आहे, त्यामुळे सुनील महाजन हेच विरोधी पक्ष नेते आहेत. सत्तांतर झाल्यानंतर जळगाव महापालिकेची पहिली महासभा ऑनलाईन आज होत आहे. पत्नी महापौर जयश्री महाजन व्यासपिठावर असतील तर पती सुनील महाजन विरोधी पक्षनेते आहेत. 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख